Twitter раҳбари Трампнинг ижтимоий тармоқлардаги фаоллиги ҳақида гапирди » Ўзбекистон янгиликлари – Zamin.uz

Twitter раҳбари Трампнинг ижтимоий тармоқлардаги фаоллиги ҳақида гапирди

Twitter раҳбари Трампнинг ижтимоий тармоқлардаги фаоллиги ҳақида гапирди

АҚШнинг сайланган президенти Дональд Трамп томонидан Twitter ижтимоий тармоғидан фойдаланиш ҳеч кутилмаган ҳолат бўлиб, унга жамиятнинг барча қатлами билан тўғридан-тўғри мулоқот қилиш имконини беради. Kun.uz сайти ёзишича , бундай фикр Twitter компанияси асосчиси ва раҳбари Жек Дорсидан чиққан.

"Сайланган президент бизнинг хизматлардан бошқа кишилар билан мулоқотда бўлиш мақсадида фойдаланади, ва бу исталган инсонга у айни дамда нима ҳақида ўйлаётганидан хабардор бўлиш имконини яратади. Менимча, бу жуда қизиқ", - деди Дорси. Унинг эслатишича, Трамп жамоаси сайловолди кампанияси вақтида ижтимоий тармоқлардан ўз ғояларини илгари суришда фаол фойдаланган.
Twitter раҳбари Трампнинг ижтимоий тармоқлардаги фаоллиги ҳақида гапирди

"Аввал бундай ҳолатни ҳеч кўрмагандим, - давом этади Дорси. – Биз янги дунёга қараб кетмоқдамиз. Унда барча нарса юзага чиқади ва ҳар ким буни кўриши ва реал вақт режимида муҳокама қилиши мумкин". Мутахассиснинг тан олишича, у "жараён охир-оқибат қаерга олиб келишини" билмайди.

Маълумот учун, Трамп Оқ уй учун кураш давомида бир неча маротаба ижтимоий тармоқлардан фойдаланишнинг муҳимлиги ҳақида айтиб ўтган. Мутахассисларнинг фикрича, айнан Twitter ва Facebook’даги кенг қамровли тарғибот кампаниялари унинг сайловларда ғалаба қозонишига сабабчи бўлди.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.