Озарбайжон ўзининг маҳаллий интернетини ишлаб чиқди

  • Технология
  • 15-04-2015, 09:19
  • 1 060
  • Озарбайжон ўзининг маҳаллий интернетини ишлаб чиқди

    Озарбайжон Алоқа ва юқори технологиялар вазирлиги Ахборот-ҳисоблаш маркази (АҲМ) маҳаллий интранет тармоғини ташкил этиш бўйича техник ишларни якунлади. Бу ҳақда Review.uz хабар бермоқда.

    Ушбу тармоқ маҳаллий интернет-трафикдан фойдаланишни оптимизация қилиш ва фойдаланувчиларнинг “Электрон ҳукумат” (e-gov.az) порталига сифатли кира олишларини таъминлаш мақсадида ишлаб чиқилган.

    Ҳозирги вақтда Озарбайжон интернет-провайдерларини ушбу тармоққа улаш бўйича ишлар олиб борилмоқда. Трафик алмашиш учун ўтказиш қуввати секундига 1 гигабитга тенг каналдан фойдаланилмоқда.

    Трафик истеъмоли ўсиб боргани сайин, ахборот узатиш тезлиги ҳам секундига 10 гигабитгача узайтирилиши мумкин.

    Қайд этишларича, интернет-трафик истеъмолини оптимизация қилиш провайдерларнинг халқаро каналлари бандлигини 40 фоизгача камайтиришга, ўз навбатида, фойдаланувчиларнинг маҳаллий интернет-ресурсларга кириш тезлигини сезиларли ошишига ёрдам беради.

    Манба: www.kun.uz