Янги Samsung телевизорлари телефондаги онлайн видеони экранга транслация қилади » Ўзбекистон янгиликлари – Zamin.uz

Янги Samsung телевизорлари телефондаги онлайн видеони экранга транслация қилади

Технология 4-01-2017, 12:17 388
Янги Samsung телевизорлари телефондаги онлайн видеони экранга транслация қилади

Samsung компаниясининг янги ақлли телевизорларида Google Chromecast сервисига ўхшаган янги функция пайдо бўлади, деб ёзмоқда Terabayt.uz сайти.

Янги функция Samsung Smart View иловасида кўзда тутилади ва бевосита смартфондан турли сервисларда очилган онлайн видеоларни жонли тарзда телевизор экранига узатишга хизмат қилади. Ҳозирда Smart View иловаси орқали телефон хотирасида сақланган видео, мусиқа ва расмларни телевизорга узатса бўлади.

Ушбу илованинг iOS дастури учун чиқарилган янги версиядан олинган скриншотлар мазкур янги имкониятдан дарак бермоқда. Скриншотларда YouTube, Amazon Prime Video ва Hulu каби видеохостинг иконкаларини кўриш мумкин.

Бундан ташқари, илова смартфондан дистанцион пульт сифатида фойдаланиш имкониятини ҳам беради. Бундай янги функцияга эга телевизорлар тез орада CES 2017 кўргазмасида тақдим этилиши кутилмоқда.


Zamin.uz нинг Youtube’даги расмий каналига обуна бўлиб, янгиликлардан хабардор бўлинг.