WhatsApp’да GIF-анимациялар қидируви жорий этилади

  • Технология
  • 12-01-2017, 13:14
  • 596
  • WhatsApp’да GIF-анимациялар қидируви жорий этилади

    WhatsApp мессенжерининг Android’даги ускуналар учун янги бета-версиясида анимацион тасвирларнинг тезкор қидируви функцияси пайдо бўлди. Энди битта хабарда 30 тага файл жўнатиш мумкин, деб хабар беради «Дарё».

    Androidpolice сайтининг билдиришича, 2.17.6 бета версиядаги WhatsApp’да GIF-тасвирлар қидируви жорий этилди. Уларни эмодзи смайликлари қаторидан топиш мумкин. Тугма босилганида, машҳур анимациялар рўйхати очилади. Шунингдек, керакли расмни қидирувга бериб топиш мумкин бўлади.

    GIF-файллар кутубхонаси анимацион тасвирлар тўпланган икки машҳур сервис — Giphy ва Tenor’дан тўпланади.