Ўзбекистон Республикасининг иккита йирик банки CLICK билан битимни имзолади!

  • Технология
  • 17-05-2015, 09:28
  • 2 228
  • Ўзбекистон Республикасининг иккита йирик банки CLICK билан битимни имзолади!

    Ўзбекистон Республикасининг Халқ Банки ва Ўзбекистон Республикаси Ташқи Иқтисодий Фаолият Миллий Банклари томонидан чиқарилган DUET (оффлайн) пластик карта эгалари энди CLICK тизимининг барча афзалликларидан фойдаланишлари мумкин. Бу ҳақда CLICK компанияси хабар бермоқда.

    Ушбу банклар ва CLICK компанияси билан эришилган келишувлар натижасида ушбу банкларнинг пластик карта эгаларига CLICK мобил банкинг тизимига уланиш, истаган пайтда ва ишларидан чалғимасдан туриб турли тўловларни амалга оширишга имкон очиб берилмоқда.

    CLICK компаниясининг Ўзбекистон Республикаси Халқ Банки ва ТИФ Миллий Банки билан ҳамкорликнинг янги босқичи тизимининг ҳамкор-банкларнинг сони кўпайтиришга имкон берди. Уларнинг умумий сони 18га етди. Улар қуйидагилардир:

    1. AGROBANK
    2. ALOQABANK
    3. ASAKA BANK
    4. ASIA ALLIANCE BANK
    5. HAMKORBANK
    6. INVEST FINANCE BANK
    7. IPAK YOLI BANK
    8. IPOTEKA-BANK
    9. MIKROKREDITBANK
    10. NBU
    11. ORIENT FINANCE BANK
    12. QISHLOQ QURILISH BANK
    13. RAVNAQ BANK
    14. SAVDOGAR BANK
    15. TRASTBANK
    16. TURKISTON BANK
    17. UNIVERSALBANK
    18. XALQBANK

    CLICK тизимига оффлайн пластик карталарини улаган фойдаланувчилар ҳам пул маблағ келиб тушиши ва барча ҳаражатлар тўғрисида хабардор бўлиш имконига эга бўладилар. Ҳаражатлар тўғрисидаги хабарномалар тўлов амалга оширилган савдо масканидаги терминал инкассация қилинганидан кейин фойдаланувчига юбориладилар.