Samsung Galaxy Tab S2 8.0 дунёдаги энг ингичка планшет бўлиши мумкин » Ўзбекистон янгиликлари – Zamin.uz

Samsung Galaxy Tab S2 8.0 дунёдаги энг ингичка планшет бўлиши мумкин

Технология 4-06-2015, 11:37 887
Samsung Galaxy Tab S2 8.0 дунёдаги энг ингичка планшет бўлиши мумкин

Хитой телекоммуникацион ускуналарни сертификатлаштириш маркази сайтида high-end-синфидаги Galaxy Tab S2 8.0 планшетининг кўрсаткичлари ҳақидаги маълумотлар ва сурати чоп этилди, деб ёзади Kun.uz. Samsung компанияси яқин орада бу планшетни намойиш қилиши кутилмоқда.

Қурилмада 1,9 ГГц такт частотасига эга 8 ядроли процессор (тахминларча, компаниянинг шахсий процессори Exynos 7420) қўлланган. Тезкор хотира 3 Гб ни, флеш-модуль сиғими 16 Гб ни ва кўпроқни ташкил қилади (microSD-картаси ҳисобига оширилади).

Планшет 2048×1536 кўрсатиш қобилиятига эга 8 дюймли AMOLED дисплейи билан жиҳозланган. Планшетнинг олдида 2 Мп ли камера, орқасида 8 Мп ли камера ўрнатилган. Планшет тўртинчи авлод LTE мобиль тармоқларини қўллаб-қувватлаши айтилган.

Планшетнинг оғирлиги 260 граммни, ўлчамлари 198,2×134,5×5,4 мм.ни ташкил қилади. Планшет бундай қалинлик билан 8-дюймли планшетлар тоифасида дунёдаги энг ингичка планшет номини олишга даъвогарлик қилиши мумкин. Планшет Android Lollipop операцион тизими ўрнатилган ҳолда сотилади.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.
Мавзуга оид

Тошкентда дунёдаги энг ингичка планшет — Samsung Galaxy Tab S2 3 млн сўмдан сотила бошлади
14:06 / 24-11-2015
Samsung ўта ингичка Galaxy Tab S2 планшетларини намойиш қилди
12:35 / 21-07-2015
Lenovo компанияси Intel Atom x5 процессорига эга Android-планшет тайёрламоқда
17:36 / 16-04-2015
64 битли чипга эга бўлган Samsung Galaxy Win 2 ҳамёнбон смартфони намойиш этилди
23:46 / 12-03-2015
Samsung Galaxy Tab S2 ҳақида илк тафсилотлар маълум бўлди
13:29 / 26-02-2015