Европа Иттифоқи ўзининг бутун ҳудудида Wi-Fi тармоғини яратиш учун 120 миллион евро сарфлайди » Ўзбекистон янгиликлари – Zamin.uz

Европа Иттифоқи ўзининг бутун ҳудудида Wi-Fi тармоғини яратиш учун 120 миллион евро сарфлайди

  • Технология
  • 13-09-2017, 08:43
  • 321
  • Европа Иттифоқи ўзининг бутун ҳудудида Wi-Fi тармоғини яратиш учун 120 миллион евро сарфлайди
    Европа Иттифоқи барча аъзо мамлакатлар ҳудудидаги жамоат жойларида симсиз бепул интернет — Wi-Fi нуқталарини яратиш учун 120 миллион евро йўналтиради. Бу ҳақда «ТАСС»га таяниб, «Дарё» хабар бермоқда.

    2018 йилдан бошлаб Европа Иттифоқи ҳудудидаги олти мингдан ортиқ шаҳар ва қишлоқда жойлашган шифохона, кутубхона ва хиёбонларда симсиз бепул интернет терминаллари пайдо бўлиши кўзда тутилмоқда. Рақамли иқтисодиёт бўйича еврокомиссар Мария Габриэлнинг сўзларига кўра, ҳар бир ҳудуднинг бошқаруви биринчи навбатда қайси жойларга интернет терминали ўрнатилиши кераклигини ҳал қилади.

    Ташаббус муаллифларининг айтишича, ғоя биринчи навбатда бу хизматни кичик қишлоқларга етказиб бериш жараёнини соддалаштиришдан иборат. Асосий вазифа Европа Иттифоқининг бутун ҳудудида рақамли нотенгликни бартараф этиш ҳисобланади.

    loading...