Хитойда яратилган робот-стоматолог ўзи мустақил равишда илк операцияни ўтказди (видео) » Ўзбекистон янгиликлари – Zamin.uz

Хитойда яратилган робот-стоматолог ўзи мустақил равишда илк операцияни ўтказди (видео)

  • Технология
  • 23-09-2017, 23:04
  • 247
  • Хитойда яратилган робот-стоматолог ўзи мустақил равишда илк операцияни ўтказди (видео)
    Хитойлик ихтирочилар томондан яратилган робот-стоматолог ишлашни бошлади ва ҳаттоки ўзи мустақил равишда илк операцияни ўтказди. Робот беморга янги тишлар қўйди, деб ёзади Кун нашри.

    Робот учун дастурий таъминот ва роботнинг ўзини яратиш устида 5 йил ишланди, чунки барча эҳтимолий хатоликлар юз беришини истисно қилиш керак эди, ахир бунда беморнинг ҳаёти ва соғлиғи гаровга қўйилган. Робот ўзига қўйилган вазифани ажойиб тарзда уддалаб, янги имплантантлари бор-йўғи 0,2 мм га оғишган ҳолда қўйди. Қисқасини айтганда, у вазифани ўзининг "жонли" ҳамкасбларидан ҳеч ҳам кам бўлмаган даражада уддалади.

    Роботнинг ишлаши жараёнини малакали жарроҳлар ва бошқа тиббиёт ходимлари кузатиб боришди. Бироқ роботга уларнинг ёрдами керак бўлмади. Бор-йўғи бир соатдан кейин Сиань шаҳрида яшовчи фуқаро янги тишларини кўз-кўз қила олди.

    Хитойда стоматологлар хизматига эҳтиёжманд одамлар кўпчиликни ташкил қилади, бироқ ҳаммага ҳам мутахассислар етмайди. Ҳозирда тишлар 3D-принтерда босилаётганига қарамай, стоматолог ҳузурига кириш учун барибир узун навбатлар кутишга тўғри келмоқда. Бундай роботлар эса бу муаммони қисман бўлса-да ҳал қилишга ёрдам беради.