Хитой космосни тадқиқ этиш учун янги ракета ишлаб чиқаради » Ўзбекистон янгиликлари – Zamin.uz

Хитой космосни тадқиқ этиш учун янги ракета ишлаб чиқаради

Технология 9-12-2014, 10:02 2 752
Хитой космосни тадқиқ этиш учун янги ракета ишлаб чиқаради

Хитой 2030 йилда янги ўта оғир учирувчи ракетани ишлаб чиқиб, ясашни ва учиришни режалаштирмоқда. Бу режалар ҳақида CASC аэрокосмик компанияси раҳбари Лэй Фаньпэй CBERS-4 Хитой-Бразилия йўлдоши учирилгандан сўнг, «China Daily» журналистига маълум қилган, Бу ҳақида «lenta.ru»га асосланиб «kun.uz» хабар бермоқда.

Ракета модели «Airshow China 2014» халқаро кўргазмаси давомида намойиш этилди.

Ракетанинг юк кўтариш қуввати 130 тонна бўлади. Хитой ракетадан 2030-2050 йиллар оралиғида олис космосни тадқиқ этиш мақсадида фойдаланмоқчи.
2020 йилгача Хитой Қизил сайёрага марсоходни жўнатишни, 2022 йилгача эса Ер яқинида ўзининг орбитал станциясини яратиш ишларини тугаллашни режалаштирмоқда.

Аввалроқ Хитой Қизил сайёрага сайёралараро станцияни жўнатмоқчи эди, бироқ миссия муваффақиятсизликка учради: 2011 йилда «Зенит» учирувчи ракетасида учирилган Хитойнинг «Yinghuo-1» аппарати Россиянинг «Фобос-Грунт»и билан биргаликда океанга қулаган эди.

Фото: wikipedia.org


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.