Хуррак отишнинг давоси топилди!

  • Технология
  • 17-01-2018, 19:04
  • 2 004
  • Хуррак отишнинг давоси топилди!
    Хитойнинг «VVFLY Electronics» компанияси хуррак отишдан азият чекувчи инсонлар учун ноодатий «Snore Circle» гаджетини тақдим этди. У оддий ниқоб кўринишида ишланган бўлиб, уйқу вақтида кўзга тақиб олинади.

    Краудфандинг платформасида ушбу қурилмани ишлаб чиқариш учун сўралган маблағ ҳозирнинг ўзида 874 фоиз миқдорида йиғилди, деб хабар берди «Xabar.uz».

    «Snore Circle» ушбу компаниянинг шу турдаги тўртинчи қурилмаси ҳисобланади. Тўғрисини айтганда, улар бундан аввал «Bluetooth-гарнитура»ни эслатувчи симсиз наушникни таклиф этганди. Ихтирочиларнинг сўзларига кўра, хурракка қарши ниқобдан фойдаланиш анча қулай ва самарали. Ундан фойдаланиш учун ниқобни шунчаки кўзга таққан ҳолда қувват тугмасини босиш кифоя: сокин уйқуга кафолат берилади.

    Ниқоб одамнинг хуррагини юқори аниқликда пайқашга қодир датчиклар билан жиҳозланган. Фойдаланувчи хуррак отишни бошлаганида қурилма дарҳол 36 куч даражасида тебраниб, инсон миясига сигнал юборади. Натижада у хуррак отишдан тўхтайди.

    Ниқобдаги барча маълумотлар смартфондаги мобил дастурга юборилади ва у орқали фойдаланувчининг уйқуси ҳақида батафсил маълумот тўпланади.

    «Snore Circle»ни хориж онлайн дўконларидан 69 доллар эвазига буюртма қилиш мумкин.

    Яндекс.Метрика