Фото: «ЭкоТехника»
Инновацион ривожланиш вазирлигида «Changan Automobile Group» компанияси вакиллари билан учрашув бўлиб ўтди. Учрашувда ўзаро ҳамкорлик масалалари ва Ўзбекистон ҳудудида электр қуввати билан ишловчи автомобиллар ишлаб чиқариш имкониятлари муҳокама этилди. Бу ҳақда Инновациялар вазирлиги ахборот хизматига таяниб «Xabar.uz» маълум қилади.
«Changan» компанияси вакиллари Фарғона водийсида жойлашиши мумкин бўлган электромобиллар йиғиш цехини қуриш истагини билдирдилар. Ўз навбатида, Инновация вазири ўринбосари Отабек Назиров мазкур лойиҳанининг амалга оширилишини жадаллаштириш учун бор имкониятл арни ишга солишга, Ўзбекистоннинг тегишли ташкилотлари ва давлат органлари билан мулоқот қилишга амалий ёрдам бериш ва қўллаб-қувватлашга тайёр эканини билдирди. Томонлар тез кунларда ҳамкорлик тўғрисидаги меморандумни имзолашга келишиб олишди.
Лойиҳа муваффақиятли ишга тушган тақдирда, биринчи босқичда 15-20 млн. АҚШ доллари миқдорида инвестиция киритиш, 100–150та иш ўринлари ташкил қилиш, бир йилда мингта йирик узелли электромобиллар йиғиш мумкин бўлади. Иккинчи босқичда эса Республикадаги мавжуд корхоналарнинг қувватини жалб этган ҳолда ишлаб чиқариш маҳаллийлаштирилади ҳамда тўғридан-тўғри ва қўшимча иш ўринлари сони ошишига эришилади.
Таъкидлаш жоизки, «Changan Automobile Group» Co Ltd энг кўп автомобил ишлаб чиқарувчи Хитой автомобиль компанияларининг «катта тўртлигига киради. Автокомпаниянинг Ford Motor, Suzuki Motor, Mazda Motor ва PSA Peugeot Citroen каби йирик концернлар билан қўшма корхоналари мавжуд. Changanнинг бош идораси Чунцин шаҳрида жойлашган.
Ўзбекистонда мазкур компания гибрид двигателли ва бутунлай электр кучида ишлайдиган замонавий автомобиллар ишлаб чиқаришга урғу бериш ниятида. 2025 йилга келиб барча турдаги моделдаги (кичик метражли автомобиллардан тортиб купе кузовли олий тоифадаги автомобилларагача) 21 моделдаги фақат электр қуввати билан ишлайдиган янги электромобиллар ва 12 та гибрид моделлар ишлаб чиқарилиши режалаштирилмоқда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Швейцария президенти Путинга мактуб йўллади
Damas учун онлайн контрактация очилади
Ўзбекистонда ўтган уч ойда қанча автомобиль ишлаб чиқарилган?
Германиянинг Knauf компанияси Россиядан бутунлай чиқиб кетишини тасдиқлади
АҚШнинг Суриядаги ҳарбий базасига ракеталар ҳужум қилди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди