Avtomobil uchun «doda» nomerlar bor

Internet foydalanuvchilari tomonidan «platinum», «oltin», «kumush» va «bronza» avtomobil raqamlari necha pul turishi ko‘rsatilgan hujjat e’lon qilindi

Ijtimoiy tarmoqlarda e’lon qilingan ma’lumotlarga ko‘ra, tez orada O‘zbekiston respublikasi ichki ishlar organlari tomonidan eng sara avtomobil raqamlari savdosi tashkillashtirilishi mumkin. Bu haqda internetda bir yo‘la bir nechta o‘zbek guruhlari ma’lumot tarqatgan, deb xabar qilmoqda Sputnik O‘zbekiston muxbiri. Internet-foydalanuvchilari ushbu xabarning haqqoniyligini tasdiqlash uchun «platina», «oltin», «kumush» va «bronza»ga bo‘lingan avtomobil raqamlari bahosi ko‘rsatib o‘tilgan hujjat suratini ilova qilishgan
Eng qizig‘i, ushbu xabarni qizg‘in muhokama qilayotgan internet foydalanuvchilari ikki guruhga bo‘lindilar: birinchi tomon bu xabar haqiqat ekanligini ta’kidlasa, ikkinchi tomon e’lon qilingan hujjat — yolg‘ondan boshqa narsamasligini aytib, barchani bunga ishonmaslikka chaqirmoqda.

Izoh qoldirganlarning aksariyati, ayni vaqtda avtomobilning «zolotoy» raqami faqatgina pora evaziga sotilayotganini va yuqoridagi yangilik rost bo‘lsa, yanada yaxshi bo‘lishini aytishgan. «Va nihoyat, endi pullar egri qo‘lli mansabdorlar cho‘ntagiga emas, balki davlat g‘aznasiga tushar ekan, shunisi ham ma’qul», — deya fikr bildirgan aksariyat internet foydalanuvchilari. “Zamin” yangiliklarini “Youtube”da kuzatib boring