13:47 / 06.02.2021
736

Hennessey VelociRaptor pikapi innovatsion zirh va tok uradigan eshik tutqichlari bilan jihozlandi

Hennessey VelociRaptor pikapi innovatsion zirh va tok uradigan eshik tutqichlari bilan jihozlandi
Foto: CARakoom
Zirhlangan Ferrari 458 Speciale yaratilganidan so‘ng AddArmor kompaniyasi boshqa bir loyiha — Ford F-150 Raptor bazasidagi Hennessey VelociRaptor ustida ish olib bordi, deb yozadi CARakoom.

AddArmor pikapini himoyalashda po‘latdan 15 barobar, kevlardan esa 40 foiz mustahkamroq bo‘lgan Dyneema materialidan foydalangan. Ushbu material «AK-47» avtomatidan otilgan o‘qlarga, shuningdek, qo‘lbola portlovchi qurilmalarga bardoshli hisoblanadi.

Biroq shuning o‘zi pikapni noyob modelga aylantirmaydi. Bundan tashqari, AddArmor mashinaga maxsus xavfsizlik paketi ham o‘rnatgan bo‘lib, u elektr toki uradigan eshik tutqichlari, ovozli qarshi hujum tizimi, kuchaytirilgan old va orqa bamperlar, ikkita akkumulyator, ichki aloqa tizimi, sirena va hatto avtomobilga o‘rnatilgan bombani qidirish tizimini o‘z ichiga oladi.

Foto: CARakoom
VelociRaptor, shuningdek, ichidagi havosi chiqib ketgan taqdirda ham, soatiga 80 kilometr tezlikda harakatlanish imkonini beradigan shinalar bilan jihozlangan.

Hennessey VelociRaptor, bundan tashqari, kuchaytirilgan Brembo tormozlari va old podveska holatini muvozanatlovchi jamlanmaga ega bo‘lgan.

Foto: CARakoom
Hennessey VelociRaptor standart F-150 Raptor’dan farq qilgani sabab unga 600 ot kuchiga ega 3,5 litrli EcoBoost V6 dvigateli o‘rnatilgan. Bu mashinaga soatiga 96 kilometr tezlikka 4,2 soniyada erishishiga xizmat qiladi.

Foto: CARakoom
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)