“O‘zbeknavo” estrada birlashmasi “Ijodkor mas’uliyati: san’atkor etikasi” mavzusida milliy estradani rivojlantirishning ayrim dolzarb muammolariga bag‘ishlangan davra suhbati o‘tkazdi. Bu haqda “O‘zbeknavo” estrada birlashmasi rasmiy saytida ma’lum qilingan.
Birlashma axborot xizmati xabariga ko‘ra, davra suhbatida ayrim xorijiy qo‘shiqlar va kuylarni ruxsatsiz o‘zlashtirib, mualliflik huquqi bo‘yicha xalqaro me’yorlarni qo‘pol ravishda buzayotgan ba’zi o‘zbek ijrochilari faoliyati tahlil qilindi. Suhbat jarayonida misol tariqasida xonandalar tomonidan “o‘zbekchalashtirilgan” xorijiy original qo‘shiqlar ishtirokchilarga havola etildi.
San’atshunos, adabiyotshunos olim Shuhrat Rizaev, O‘zbekiston Bastakorlar uyushmasi raisi Rustam Abdullaev, taniqli jurnalist Gulchehra Fayzieva ushbu xunuk holatga kuyunchaklik bilan munosabat bildirishdi. Birovlarning qo‘shig‘ini aytib, aravasida yuradigan zamonlar o‘tganini, bugun har bir san’atkor millat sha’nini, san’at nufuzini saqlashga mas’ul ekanligini ta’kidlashdi.
Shundan so‘ng O‘zbekiston Respublikasi intellektual mulk agentligi boshqarma boshlig‘i Vohidjon Allayorov mualliflik huquqi tushunchasi, uni buzganlik uchun belgilangan javobgarlik haqida to‘xtalib o‘tdi. San’atkorlarni qiziqtirgan savollarga javob berdi.
Kelgusida san’atkorlarning ko‘chirmakashlik (plagiatlik)ka yo‘l qo‘ymasligi uchun OAV va boshqa tegishli tashkilotlar hamkorligida keng qamrovli chora-tadbirlar amalga oshirilishi rejalashtirilgan.
Manba: www.kun.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
Sirdaryoda budjetga juda ko‘p miqdorda zarar yetkazgan mayning ferma aniqlandi
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Biznes imkoniyatingizni kengaytiring
Xotirani yaxshilashning juda oddiy usuli topildi