O‘zbekiston fuqarolari — 41 nafar yo‘lovchi, jumladan ikki bola, — Qozog‘istonning Shortandi tumani hududida qolib ketgan nosoz avtobusdan evakuatsiya qilindi, deya xabar berdi Gazeta.uz nashri Qozog‘iston Favqulodda holatlar qo‘mitasi matbuot xizmatining xabariga asosan.
Avariya-qutqarish ishlari 22 yanvar kuni kechasi «Ostona-Petropavlovsk» avtomobil yo‘lining 54-kilometrida o‘tkazildi. Yo‘lovchi avtobusi «Petropavlovsk-Sariag‘ash» yo‘nalishi bo‘yicha harakatlanayotgan bo‘lgan. Kazinform agentligi ma’lumotlariga ko‘ra, kuchli sovuq tufayli dizel yonilg‘isi muzlab qolgan.
Yo‘lovchilar va ikki nafar Qozog‘iston fuqarosi bo‘lgan haydovchi isinish punkti — Bozayg‘ir qishlog‘idagi 5-agrotexnika kolleji yotoqxonasiga olib kelingan.
FVQ saytida aytilishicha, kuchli sovuq tufayli Qozog‘iston avtomobil yo‘llari bo‘ylab safar qilish xavfli. Qozog‘istonning Aqmola viloyati hududida bo‘ron xavfi e’lon qilingan. Sovuqning kechasi −35…−40 darajagacha tushishi kutilmoqda, 24−26 yanvar kunlari havo juda sovib, -45 darajagacha tushishi, kunduzi −27…−32 daraja bo‘lishi mumkin.
O‘zbekiston Favqulodda vaziyatlar vazirligi Qozog‘istonning shimoliy, markaziy va sharqiy viloyatlari orqali safarga chiqishni rejalashtirgan aholidan mazkur hududlarda kuchli sovuq bo‘lishi kutilayotgani munosabati bilan yo‘lovchi avtobuslari va shaxsiy avtotransportda yo‘lga otlanishdan tiyilishni tavsiya qilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyada maktab o‘quvchilari ommaviy ravishda islom dinini qabul qilmoqda
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»