Rossiya paxta yetishtirishni boshlamoqchi. Paxta yetishtiriladigan maydon 200 ming gektardan ko‘proqqa baholanmoqda. 2018 yilda ming gektar yerga paxta ekilmoqchi.
“Paxta yetishtirish bo‘yicha ish boshlanmoqda, bu biz uchun yangi o‘simlik, biz tayyormiz. Ayni vaqtda texnologiya masalalari hal qilingan, joriy yilda Astraxan va Volgogradda ming gektar yerga chigit ekiladi”, deb aytgan Rossiya qishloq xo‘jaligi vazirligining o‘simlikshunoslik, mexanizatsiyalash, o‘simliklarni kimyolash va himoyalash departamenti direktori Pyotr Chekmaryov Butunrossiya agronomlari yig‘ilishida.
“Bizda imkoniyat bor, bizda paxta yetishtirsa bo‘ladigan 200 ming gektar maydon bor. Shu sababli ushbu xom ashyo bilan o‘zimizni ta’minlash uchun bu yo‘nalishdagi ishni davom ettiramiz va takomillashtiramiz”, deb aytgan Chekmaryov.
“Gap nimada – men hozirgina O‘zbekistondan qaytdim. Uch yildan keyin biz bu yerlardan paxta ololmaymiz, chunki ularda paxtani qayta ishlovchi kombinatlar qurilishi faol tarzda olib borilmoqda va ular bizga bir tonna ham paxta xom ashyosi sotishmaydi”, deb qo‘shimcha qilgan Chekmaryov.
Rossiya qishloq xo‘jaligi materiallarida ta’kidlanishicha, mavjud meliorativ tizimlarni tiklash va yangilarini qurish sharti bilan Rossiyada paxta yetishtirish bo‘yicha maksimal maydon 222 ming gektarga baholanmoqda (Astraxan viloyatida 47 ming, Volgograd viloyatida 10 ming, Stravropol o‘lkasida 120 ming, Qolmig‘istonda 24 ming va Qrimda 10 ming gektar).
Rossiya korxonalarining paxta tolasiga ehtiyoji 2018 yilda 68 ming tonnaga, 2019 yilda esa 71,1 ming tonnaga baholanmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi