Qozog‘istonning Atirau viloyatida yashovchi 70 yoshli Nasip To‘lagenova Shumaxer kabi avtomobil boshqaradi, deb xabar berdi Darakchi nashri.
Atirau viloyatining Janbay Isatay tumanida yashovchi onaxon 1948 yilda tug‘ilgan. “Otam sovxozda traktorchi bo‘lib ishlar, traktorda pichan o‘rardi, - deya xotirlaydi onaxon. – Men har doim otamga yordam berishga harakat qilardim. Qachon qarasa, traktor atrofida o‘ralashayotganimni ko‘rgan sovxoz direktori meni traktorchilar tayyorlaydigan kursga yozdirdi. Avvaliga u yerga borishga uyaldim, buni ustiga ota-onam ham qarshilik ko‘rsatishdi. Hunar o‘rganish kelajakda asqatishini o‘ylab, kursda o‘qishga qaror qildim”.
U ilk marotaba T-40 traktori rulini boshqardi va tez orada brigadadagilar bilan pichan o‘rimiga chiqa boshladi. Turmushga chiqqandan keyin motor yig‘uvchi, slesar vazifalarida ishladi.
Nasip To‘lagenova mashina haydashdan oldin mototsikl boshqarishni o‘rgangan. Haydovchilik guvohnomasini olgandan keyin avtomobil boshqara boshlagan.
Hozirgi kunda onaxon mohir haydovchi hisoblanadi. “Mashinamda kelinlarni tuman kasalxonasiga, nabiralarimni maktabga, o‘zim esa to‘y-hashamlarga boraman. Avtomobilimni o‘zim ta’mirlayman”, deydi u.
Nasip buvining besh o‘g‘li, ikki qizi, yigirma nafar nevarasi va evaralari bor. Ro‘zg‘ordagi qora molga, xususan tuyalarga onaxonning o‘zi qaraydi.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Sirdaryoda budjetga juda ko‘p miqdorda zarar yetkazgan mayning ferma aniqlandi
