16:20 / 13.05.2018
3 210

Bangkokda o‘zbek ayollarini fohishalikka majburlagan fuqaro jazolandi

Bangkokda o‘zbek ayollarini fohishalikka majburlagan fuqaro jazolandi
Halol yo‘l bilan topilmagan boylik hech kimga vafo qilmaydi. Bir nafar farzandning onasi B.Isayeva shu haqiqatni afsuski, kech anglab yetdi. U ayol nomiga dog‘ tushiradigan nopok ishni kasb qildi va odam savdosi jinoyatiga qo‘l urdi deb yozadi "Zarafshon" nashri.

Qariyb o‘n yil davom etgan uning bu jinoiy faoliyatiga sheriklari M.Kamolova, Sh.Nurillayev, S.Nurillayev, M.Rahmonova va N.Mamarahimovalar yaqindan ko‘mak berdi. Bu jinoiy guruh ayollarni aldov yo‘li bilan Tailand davlatiga olib borib, majburan fohishalik bilan shug‘ullantirgan va shu orqali moddiy boylik orttirgan.

B.Isayevaga yo‘l va turarjoy xarajatlari bilan ta’minlaganligi uchun 8-10 ming AQSh dollaridan ishlab berib, so‘ngra o‘zlarining ehtiyojlari uchun ishlaganliklarini tasdiqlagan.

Sudlanuvchi B.Isayeva ochiq sud majlisida aybiga to‘liq iqror bo‘lib, haqiqatan ham 2006 yildan boshlab Tailand davlatining Bangkok shahriga ishlash uchun borib kelganligini tasdiqladi. 2007-2008 yillarda o‘ziga Bangkok shahridan ijaraga xonadon olganligini va bu uyda O‘zbekiston Respublikasidan kelgan qizlarni ijaraga qo‘yganligini, ularga bu yerda fohishalik bilan shug‘ullanish uchun sharoit yaratib berganligini tan oldi.

B.Isayeva hamda uning jinoiy sheriklariga sud hukmi bilan qonuniy jazo tayinlandi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)