19:53 / 12.06.2018
3 952

Kim Chen Inning yugurayotgan qo‘riqchilari haqida nimalarni bilasiz?

Kim Chen Inning yugurayotgan qo‘riqchilari haqida nimalarni bilasiz?
Shimoliy Koreya yetakchisi Kim Chen In uch liniyali qo‘riqchilarga ega, deb xabar beradi Sputnik.

Yaqinda bo‘lib o‘tgan Janubiy va Shimoliy Koreya uchrashuvi chog‘ida Kim Chen Inning yugurayotgan qo‘riqchilari barchani taajjubda qoldirgan edi. Bugun Donald Tramp va Kim Chen Inning uchrashuvi chog‘ida ham butun dunyo yana bir marta o‘sha qo‘riqchilarni ko‘rdi.

Kim Shimoliy Koreyada bo‘lgan vaqtida, uning atrofini qo‘riqchilar uch chiziqda o‘rab oladi: Kim mingan limuzinning ikki yonida yugurayotgan qo‘riqchilar va yetakchining bevosita yonida yuradigan qo‘riqchilar.

Yetakchining yonida yuradigan qo‘riqchilar Markaziy partiyaning «№6 bo‘linmasi» ya’ni, rasman, Ad’yutantlar bosh boshqarmasi xodimlari sifatida mashhur.

Aynan shu odamlar tomonidan Kimga yaqin yuradigan qo‘riqchilar liniyasi shakllantiriladi. Qo‘riqchilarni harbiy xizmatga chaqirilgan Koreya xalq armiyasi xizmatchilari orasidan saralab olishadi.

Tanlov shartlari — bo‘y (u mamlakat yetakchisi bo‘yi bilan teng bo‘lishi lozim) va yaxshi ko‘rish qobiliyatidan iborat. Shuningdek, nomzodlar jismonan chiniqqan ekanliklarini namoyon etmoqlari hamda bexato otish va jang san’ati bo‘yicha o‘z iqtidorlarini ko‘rsatishlari kerak bo‘ladi.

Shundan so‘ng ular davlat xavfsizlik organlari tomonidan sinchiklab tekshiriladi: oilaning ikki avlod vakillari to‘g‘risida ma’lumotlar o‘rganiladi. Ad’yutantlar bosh boshqarmasining aksariyat xodimlari Kimlar sulolasi qarindoshlari yoki KXDRdagi boshqa oliy martabali oilalar vakillaridan iborat.

Qo‘riqchi lavozimiga tayinlanish to‘g‘risida tasdiqni olgach, nomzodlar intensiv tayyorlov kursidan o‘tadi. Bu kurs Koreya xalq armiyasidagi maxsus xizmatlarni jangovar tayyorlash kursini eslatadi. Ularni to‘pponchadan foydalanish, maskirovka metodlaridan foydalanish va ta’qibdan qochish, shuningdek, jang san’atiga o‘rgatadi. Kursantlar odatda murakkab jismoniy va ruhiy tayyorgarlikdan o‘tadi.

Odatda tan soqchilar yetakchi atrofida perimetr bo‘ylab 360 darajali aylana hosil qiladi. Qoidaga ko‘ra, Kim Chen Inning oldida uch nafardan besh nafargacha tan soqchilar, (shu jumladan, ad’yutantlar bosh boshqarmasi rahbari ham) harakatlanadi.

Ikkala tomonida to‘rt nafardan olti nafargacha — ikki tomonida ikki yoki uch nafardan tan soqchi bo‘ladi. Orqa tomonida yana 5—6 nafar qo‘riqchi joylashadi.

KXDRda Oliy yetakchi oldida faqat tan soqchilargagina o‘t ochish qurolini olib yurishga ruxsat berilgan.

Shunday bo‘lsa-da, tan soqchilarning asosiy quroli — yetakchini o‘rab turgan odamlarni kuzata olish qobiliyati hisoblanadi. Ular tahdidni jismoniy aralashuv yo‘li bilan vaqtida bartaraf etishi shart. Ad’yutantlar bosh boshqarmasida 200—300 xodim mavjud — ulardan teng yarmidan ko‘pi — tan soqchilardir. Qolganlari haydovchi yoki texnik xodim sifatida faoliyat yuritadi.

Oliy yetakchining ayrim tan soqchilari ko‘p yillardan buyon xizmat qilayotgan bo‘lsa-da, ularning ko‘pchiligi ushbu lavozimda 10 yilga yaqin qoladi.

Kimning atrofidagi ikkinchi va uchinchi chiziq Qo‘mondonlik qo‘riqlash xodimlaridan iboratdir. Agar ad’yutantlar bosh boshqarmasi xodimlari oliy yetakchining o‘zini qo‘riqlasa, Qo‘mondonlik qo‘shinlari yetakchi joylashadigan xona xavfsizligi uchun javobgardir. Xoh u ofis binosi bo‘lsin yoki chet eldagi xususiy kvartira.

OAVlarda berilgan ma’lumotlarga ko‘ra, Singapurga Pxenyandan uchta samolyot kelgan, shulardan eng kamida ikkitasini Qo‘mondonlik qo‘riqlash xodimlari egallashgan.

Dunyo yetakchilaridan hech qaysi Kim Chen In singari uch darajali shaxsiy xavfsizlik tuzilmasiga ega emas.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Kim Chen Inning yugurayotgan qo‘riqchilari haqida nimalarni bilasiz?