21:27 / 26.06.2018
6 785

Rossiyada qirg‘izistonlik ayol tiriklayin yoqib yuborildi

Rossiyada qirg‘izistonlik ayol tiriklayin yoqib yuborildi
Foto: Sputnik
Rossiyaning Leningrad viloyatida yong‘in oqibatida qirg‘izistonlik ayol halok bo‘ldi, deb yozadi Daryo.

Yong‘in 24 iyunga o‘tar kechasi Shlisselburg shahridagi savdo pavilonlaridan birida yuz bergan. Voqea joyidan 19 yoshli yigit kasalxonaga olib ketilgan. U shifokorlarga ma’lum qilishicha, pavilonga odamlar bostirib kirib, ularga benzin sepib, o‘t qo‘ygan, so‘ng eshiklarni berkitib, qochib ketgan.

Qirg‘izistonlik Gulnora ismli ayol pavilonda sinov muddati bilan ishlagan. U yarim kechasi o‘ziga qo‘ng‘iroq qilgan ish beruvchisi Kristina Pribitkovaga pavilonda ekanligini, eri ichib kelib, uni do‘pposlagani va hamma yoqni vayron qilganini aytgan.

Ayol uyiga ketgan, ammo keyinroq pavilonni tartibga solish uchun erining ukasi bilan qaytib kelgan. Shunda ularga oson alanga oladigan suyuqlik sepib, yoqib yuborishgan.

Ayolning eri qo‘lga olindi, ammo u yong‘inga aloqadorligini rad etmoqda.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Rossiyada qirg‘izistonlik ayol tiriklayin yoqib yuborildi