13:26 / 12.11.2018
3 335

Fransiya prezidenti O‘zbekistonga kelishga tayyorligini bildirgan

Fransiya prezidenti O‘zbekistonga kelishga tayyorligini bildirgan
Fransiya prezidenti Emmanuel Makron O‘zbekistonga javob tashrifi bilan kelishga tayyorligini bildirgan. Bu haqda Fransiya prezidenti Parijda Birinchi jahon urushi yakunlanganiga 100 yil to‘lishi munosabati bilan tashkil etilgan marosimlarda qatnashayotgan O‘zbekiston delegatsiyasiga aytgan, deb xabar beradi Dunyo AA.

10 noyabr kuni Parijda bo‘lib o‘tgan marosimlarda qatnashgan O‘zbekiston delegatsiyasiga Oliy Majlis Senati raisi Nig‘matilla Yo‘ldoshev boshchilik qilgan. Ushbu marosimlarda 120 dan ortiq davlat rahbarlari yoki hukumat vakillari ishtirok etgan.

O‘zbekiston delegatsiyasi d'Orse muzeyida o‘tkazilgan tadbirda Emmanuel Makron va Angela Merkel bilan qisqa suhbat olib borgan. Fransiya prezidenti Shavkat Mirziyoyevning 8-9 oktyabr kunlari amalga oshirgan davlat tashrifini yuqori baholagan.

Germaniya kansleri bilan uchrashuv chog‘ida Merkel Mirziyoyevning tashrifiga katta tayyorgarlik ko‘rilayotganini ta’kidlagan. Shavkat Mirziyoyev 2019 yil avvalida Germaniyaga rasmiy tashrif bilan borishi kutilmoqda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Fransiya prezidenti O‘zbekistonga kelishga tayyorligini bildirgan