12:30 / 16.12.2018
2 630

Putin og‘ir kasal bolaning Peterburgni vertolyotda aylanish istagini amalga oshirdi

Putin og‘ir kasal bolaning Peterburgni vertolyotda aylanish istagini amalga oshirdi
Foto: «RIA Novosti»
Rossiya prezidenti Vladimir Putin Sankt-Peterburgni vertolyotda aylangan Artyom Palyanov bilan telefon orqali gaplashib, taassurotlarini so‘radi. Bu haqda «Daryo» xabar bermoqda.

Oldinroq Putin Artyom, uning otasi va ukasi bilan Sankt-Peterburgdagi Konstantinovskiy saroyida uchrashgan va kirib kelayotgan bayramlar bilan tabriklab, ular uchun tayyorlab qo‘yilgan sovg‘alarni ko‘rsatgandi. Shundan so‘ng Artyom va uning ukasi shahar bo‘ylab vertolyot ekskursiyasiga yo‘l oldi.

Putin dekabr oyining boshida Rossiya ko‘ngillilar forumida ishtirok etib, u yerda og‘ir kasal bolalar istaklarini amalga oshiradigan «Men bilan orzu qil» loyihasi bilan tanishgan va shunday tilaklar bitilgan 5 ta konvertni o‘zi bilan olib ketgandi. Ular orasida Peterburgni vertolyotdan kuzatish istagida bo‘lgan Artyomning ham maktubi bor edi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Putin og‘ir kasal bolaning Peterburgni vertolyotda aylanish istagini amalga oshirdi