Gabon armiyasi davlat radiostansiyasini egallab olib, «Milliy tiklanish kengashi» tuzilishi haqida e’lon qilgan harbiylarni qo‘llab-quvvatlamadi.
RFI telekanali ma’lumotiga ko‘ra, armiyaning asosiy qismi amaldagi prezident Ali Bongo Ondimba tarafdori bo‘lib chiqqan va ular mamlakatdagi asosiy ob’ektlarni nazorat ostiga olishgan.
Mahalliy OAV xabariga ko‘ra, leytenant Ondo Obiang Kelli boshchiligidagi isyonchi harbiylar qo‘lga olingan. Ayni vaqtda ularning sheriklari qidirilmoqda.
Dushanba kuni tongida Gabon armiyasi harbiy xizmatchilari bo‘lgan bir necha kishi davlat telekanali efirida chiqib, «demokratiyani qayta tiklash» maqsadida harbiy davlat to‘ntarishi haqida e’lon qilishgandi. Bayonotda hukumat harbiylar qo‘liga o‘tgani aytilgandi.
Gabon poytaxti Librevilda komendantlik soati e’lon qilindi va internet bloklandi. Shaharda tanklar va harbiy mashinalardagi harbiylar harakatlana boshladi.
Ayni vaqtda 59 yoshda bo‘lgan prezident Ali Bongo hokimiyatni 2009 yilda otasi vafotidan keyin qo‘lga olgandi (bungacha uning otasi Omar Bongo 42 yil davomida mamlakatni boshqargandi).
2018 yilning 24 oktyabr kuni Bongo Ondimba insultni boshidan o‘tkazdi va Saudiya Arabistonida reabilitatsiyadan o‘tkazildi, u hozirgi vaqtda Marokashda bo‘lib turibdi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Shveysariya prezidenti Putinga maktub yo‘lladi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
O‘zbekistonda o‘tgan uch oyda qancha avtomobil ishlab chiqarilgan?
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
AQSHning Suriyadagi harbiy bazasiga raketalar hujum qildi
Futzal. Osiyo Kubogi. Tojikiston Yaponiyani guruhda qoldirdi
