Moʻgʻullar nima uchun mushukni yoqtirmasligini bilasizmi?

Dunyoda mavjud aholining aksariyati mushuklarsiz kundalik hayotni tasavvur eta olmaydi. Chunki mushuk uy ichkarisida kalamush-sichqonlar izgʻib yurishiga yoʻl qoʻymaydi. Egalarini sevadi. U xastalansa, jonivorning oʻzi tafakkuriga suyangan holda “mushukterapiya” tashkil etib, egasini davolashga harakat qiladi. Bir soʻz bilan aytganda, bu mavjudotning odamga umuman ziyoni tegmaydi.

Moʻgʻullar esa aksincha mushukni jinidan yomon koʻrarkan. Xoʻsh, nega? Maʼlum boʻlishicha, moʻgʻullar mushukni odamzodning dushmani deb bilarkan. Ularda shunday bir gap bor. “It har kuni ertalab oʻzi yashaydigan chodir yoniga keladi-da, xoʻjayin, xoʻjaykalar hayotligiga amin boʻlgach, tinchlanadi. Mushuk esa har kuni oʻzi yashaydigan chodir yoniga kelib «Anavi ikki oyoqli mahluqlar oʻldimikan? Ishqilib oʻlgan boʻlsin-da”,-deya oʻylarkan. Buning ham oʻziga xos sabablari bor albatta. Barchaga maʼlumki, moʻgʻullar azaldan sahroda koʻchmanchi qabilalarga boʻlingan holda umrguzaronlik qiladi. Sahroda esa yovvoyi mushuklar kezib yuradi. Tun choʻkdi deguncha ular moʻgʻullarning chorvasiga hujum qiladi. Oqibatda koʻchmanchi qabila aʼzolari moddiy ziyon koʻradi.

Manba: Hordiq.uz “Zamin” yangiliklarini “Facebook”da kuzatib boring