Amerika prezidenti Donald Tramp AQSH uchun Isroilning Joʻlan tepaliklari ustidan suverenitetini tan olish vaqti kelganligini bildirgandi. Mintaqaviy ixtiloflar ichida qolgan arab davlatlari Trampning soʻzlaridan soʻng jipslashish harakatiga tushdi. Ular 1967 yili Isroil tomonidan egallab olingan Joʻlan tepaligi boʻyicha AQSH qaroriga qarshi turmoqda.
Jazoir va Sudandagi namoyishlar, Saudiya boshliq koalitsiya va Yaman ziddiyati, Fors koʻrfazidagi geosiyosiy kurash hamda Qatarning yakkalanib qolgani yetmaganday, arab davlatlari AQSH prezidentiga ham munosib javob qaytarishi lozim.
Dastlab, Al-Quds shahrini Isroil poytaxti deb tan olgan Donald Tramp oradan toʻrt oy oʻtmay Joʻlan tepaligi ustidan nazoratning ham qonuniyligini tan olish vaqti kelganidan soʻz ochdi.
Livan Tashqi ishlar vaziri Jibron Basilning aytishicha, arab davlatlari TIV rahbarlari AQSHning harakati BMT ustaviga nomuvofiq deb topgan. Shunga qaramay, Arab davlatlari ligasining 22 aʼzosi mintaqa hayotiga oid boshqa masalalarda kelisha olmasligi vaziyatni chigallashtiradi.
ADL yakshanba kuni shoshilinch yigʻilish chaqirgan boʻlib, unda Isroil tomonidan tortib olingan Joʻlan tepaligi ustidan nazoratning oʻrnatilishi muhokama etiladi.
2017 yildan buyon birinchi marta Qatar va Saudiya vakillari bir stol qarshisida umumiy masalani muhokama qilishi kutilmoqda. Ammo Jazoir va Sudan rahbarlari ichki siyosiy inqirozlar tufayli yigʻilishda ishtirok etishmaydi.
Manba: Kun.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Sirdaryoda budjetga juda ko‘p miqdorda zarar yetkazgan mayning ferma aniqlandi
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi