18:40 / 08.08.2019
3 902

OAV: Atamboyev huquq-tartibot organlariga taslim bo‘ldi

OAV: Atamboyev huquq-tartibot organlariga taslim bo‘ldi
Foto: Knews
Qirg‘iziston sobiq prezidenti Almazbek Atamboyev hokimiyat vakillariga taslim bo‘ldi. Bu haqda sobiq davlat rahbarining shtabi xabar qilmoqda, deb yozadi Kun.uz nashri.
«Atamboyev o‘z qarorgohi hududidan huquq-tartibot organlari xodimlari tomonidan olib chiqib ketildi», - deya ma’lum qilgan shtab vakili.

Ijtimoiy tarmoqlardagi ma’lumotlarga ko‘ra, kuchishlatar tuzilmalari vakillari Almazbek Atamboyevni Qo‘y-Toshdan olib chiqib ketishgan. U bilan muzokaralar juda uzoq davom etgani, biroq Atamboyev taslim bo‘lgani bildirilmoqda.

Bundan biroz avvalroq Almazbek Atamboyevni qo‘lga olish bo‘yicha yangi amaliyot boshlangandi. Huquq-tartibot idoralari xodimlari Atamboyevning tarafdorlariga nisbatan maxsus vositalardan foydalangan.

Ma’lumotlarga ko‘ra, kuchishlatar tuzilmalar xodimlari Almazbek Atamboyevning Qo‘y-Toshdagi qarorgohini o‘rab olishgan. Xodimlar bir qismi qarorgoh ichiga kirgani, Atamboyev tarafdorlaridan bir guruhi esa voqea joyidan uzoqlashgani aytildi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » OAV: Atamboyev huquq-tartibot organlariga taslim bo‘ldi