00:25 / 03.10.2019
3 142

Vyetnam hukumati aholini koʻchaga chiqmaslik borasida ogohlantirdi

Vyetnam hukumati aholini koʻchaga chiqmaslik borasida ogohlantirdi
Vyetnam hukumati havoda mayda chang miqdori yuqori boʻlishi sababli aholini yaqin kunlarda koʻchaga chiqmaslikka chaqirdi.

Ayniqsa, keksalar, homilador ayollar, yosh bolalar va nafas yoʻli kasalliklariga chalingan odamlarga uylarini zaruriyatsiz tark etmaslik tavsiya qilingan. Mamlakatning yirik Xanoy va Xoshiminda shaharlarida havoda PM2.5 zarralari miqdori muntazam oshib bormoqda va barcha meʼyorlardan oʻtib ketgan.

RM2.5 havo ifloslantiruvchisi hisoblanib, uning tarkibiga ham qattiq mikrozarralar, ham mayda tomchilar kiradi. Havo sifatini nazorat qiluvchi mustaqil monitoring tashkiloti Air Visual maʼlumotlariga koʻra, 1-oktyabrda Xoshiminda zararli zarralar miqdori kub metrga 80 mikrogrammni, Xanoyda esa 180 mikrogrammni tashkil qilgan. Bu koʻrsatkich boʻyicha Xanoy havosi ifloslangan dunyodagi eng yomon shahar boʻldi. Biroq bu “yetakchilik” 1-oktyabr kechasi Dubayga oʻtdi.

Jahon sogʻliqni saqlash tashkiloti maʼlumotlariga koʻra, PM2.5 zarralarining inson sogʻligʻi uchun mumkin boʻlgan havodagi miqdori kub metrga 10 mikrogrammdan oshmasligi kerak.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Vyetnam hukumati aholini koʻchaga chiqmaslik borasida ogohlantirdi