19:17 / 19.10.2019
1 414

TIV Madinada sodir bo‘lgan YTH bo‘yicha bayonot bilan chiqdi

TIV Madinada sodir bo‘lgan YTH bo‘yicha bayonot bilan chiqdi
Foto: Arab News
O‘zbekiston Tashqi ishlar vazirligi Saudiya Arabistonida avtobus yonishi oqibatida ziyoratchilar halok bo‘lgani yuzasidan bayonot berdi.
Saudiya Arabistoni OAV bergan ma’lumotlarga ko‘ra, 16 oktyabr, chorshanba kuni Madina okrugining Al-Ahal tumanida 39 nafar yo‘lovchisi bo‘lgan avtobus og‘ir yuk mashinasi bilan to‘qnashgan.

Oqibatda 35 kishi vafot etgan, 4 ta yo‘lovchi jarohat olgan va kasalxonaga yotqizilgan. Saudiya Arabistoni tegishli organlari va Qizil yarim oy boshqarmasining vakillari hodisa sabablari yuzasidan tekshiruvlarni boshlagan.

Saudiyaning SPA axborot agentligi vafot etganlarning Saudiya Arabistonida yashovchi Osiyo va arab mamlakatlaridan kelgan ekspatriantlar ekanini ma’lum qilgan.

«O‘zbekistonning Saudiya Arabistonidagi diplomatik vakolatxonalariga mazkur hodisa oqibatida vafot etganlar va jarohatlanganlar orasida O‘zbekiston fuqarolari borligi to‘g‘risida ma’lumot kelib tushmagan», — deyiladi TIV xabarida.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)