06:00 / 17.02.2020
4 626

Xitoyda koronavirusga qarshi birinchi dori ishlab chiqarila boshlandi

Xitoyda koronavirusga qarshi birinchi dori ishlab chiqarila boshlandi
Foto: Reuters
Xitoyning Chjetszyan provinsiyasida koronavirusga qarshi kurashda samarali bo‘lishi mumkin bo‘lgan birinchi dori vositasi ishlab chiqarila boshlandi. Bu haqda “RIA Novosti” axborot agentligi Taychjou shahri ma’muriyatiga tayanib xabar berdi.
Rasmiylarning WeChat ijtimoiy tarmog‘idagi bayonotiga ko‘ra, gap avval Favipiravir yoki Avigan nomi bilan ma’lum bo‘lgan dori vositasi haqida bormoqda.

Ta’kidlanishicha, hozirgi nomlanishi “Faveylavey” bo‘lgan dori Zhejiang Hisun Pharmaceutical kompaniyasi tomonidan ishlab chiqilgan va sotuvga chiqarish uchun Xitoyning oziq-ovqat mahsulotlari va dori vositalarini nazorat qilish davlat boshqarmasi tomonidan rasman ma’qullangan.

16 fevralda ishlab chiqarilishi boshlangan dori virusning oldini olish va davolashda muhim ahamiyat kasb etishi mumkin. Dorining lotin tilidagi nomi ma’lum qilinmagan, biroq internetda dorini ishlab chiqarishga litsenziyada Favipiravir nomi qayd qilingan.

Xitoyning biotexnologik ishlanmalar milliy markazi direktori Chjan Sinmin bir nechta dorilar, jumladan, Remdesivir (remdesivir), Yaponiyaning Favipiravir (Favipivavir) dori vositalari koronavirusni davolashda yuqori samara namoyish qilganinini ta’kidlab o‘tgan. Shuningdek, mutaxassis Xitoy koronavirusdan vaksina ishlab chiqilishini tezlashtirish uchun turli texnologik yondashuvlar qo‘llayotgani, bir qator vaksinalar esa hayvonlarda sinalishi boshlanganini qo‘shimcha qilib o‘tgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Xitoyda koronavirusga qarshi birinchi dori ishlab chiqarila boshlandi