Foto: Reuters
Milliarder va Berkshire Hathaway bosh direktori Uorren Baffet CNBC telekanaliga bergan intervyusida Apple’ni dunyodagi eng yaxshi biznes, deb atadi. Bu haqda «RBK» xabar bermoqda.
Uning so‘zlariga ko‘ra, ushbu kompaniyani nafaqat Berkshire Hathaway’ga tegishli (taxminan 5,5 foiz) aksiyalar sifatida, balki xususiy biznes sifatida ham ko‘radi. «U aql bovar qilmaydigan kompaniya. Men unga avvalroq baho berishim kerak edi», — degan u.
Investor o‘zining Samsung telefonini yaqinda iPhone’ning so‘nggi modeliga almashtirganini tan olgan. Baffetning ta’kidlashicha, yaqinda unga bir nechta smartfonlar sovg‘a qilishgan bo‘lib, ulardan biri Apple rahbari Tim Kukdan edi. Shu bilan birga, milliarder aksariyat odamlar kabi gadjetning barcha xususiyatlaridan foydalanmasligini, ko‘pincha shunchaki qo‘ng‘iroq qilish uchungina foydalanishini aytgan.
Baffet, shuningdek, Xitoyda yangi turdagi koronavirusning tarqalishini izohlab, bu investorlar qarorlariga ta’sir qilmasligi kerakligini aytgan. «Bu sizning aksiyalar bilan qilayotgan ishingizga ta’sir qilishi kerak deb o‘ylamayman, ammo insoniyat nuqtai nazaridan bu dahshatli narsadir», — deya ta’kidlagan u.
Virusning Berkshire Hathaway’ga ta’siri haqida to‘xtalar ekan, milliarder sodir bo‘layotgan voqealar kompaniyaga ta’sir qilmasligi kerakligini aytgan. «Biz biznesni 20 yoki 30 yil davomida egalik qilish uchun sotib olamiz, 20 va 30 yillik prognoz koronavirus tufayli o‘zgarmadi, deb o‘ylaymiz», — deya qo‘shimcha qilgan Baffet. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Dubay hukmdorining eng go‘zal qizi qanday hayot kechiradi?
Rossiya Ukrainaning harbiy dron yig‘uv inshootlarini yo‘q qildi
«Krokus»dagi hujum bo‘yicha sakkizinchi ayblanuvchining ismi oshkor qilindi
Rossiya qo‘shinlari Avdeyevkadagi ikkita qishloqni egallab oldi
AQSH politsiyachilarining «aqlli qarori» Legoga ma’qul kelmadi
Rossiya G‘azoga 29 tonnadan ortiq insonparvarlik yordami jo‘natdi
Erdo‘g‘on terrorchilar haqida keskin gapirdi
AQSH rasmiylari: Millionlab amerikaliklar xitoylik hakerlar hujumiga uchragan