08:00 / 26.02.2020
3 103

Hindiston poytaxtida tartibsizliklar sababli komendantlik soati kiritildi

Hindiston poytaxtida tartibsizliklar sababli komendantlik soati kiritildi
Foto: REUTERS / Danish Siddiqui
Hindiston poytaxti Nyu-Dehli ma’muriyati shaharning shimolida tartibsizliklar yuz berayotgan tumanlarda komendantlik soati kiritdi.
Bu haqda Times of India nashri xabar berdi. Qat’iy choralar Majipur, Jafarobod, Chand Bagx va Qoroial Nahorda joriy qilinadi.

Ayni vaqtda Hindistonda parlament tomonidan fuqarolik haqidagi qonunga tuzatmalar qabul qilinganiga qarshi noroziliklar bo‘lib o‘tmoqda. Tuzatmalar Hindiston bilan qo‘shni davlatlar - Afg‘oniston, Pokiston va Bangladeshdan bo‘lgan nomusulmon qochqinlarga o‘z yurtlarida tahqirlashlarga uchrayotgan bo‘lsalar, Hindiston fuqaroligini soddalashtirilgan tartibda olish imkonini beradi. Bu esa hindistonlik musulmonlarning noroziligiga olib kelgan.

Ular ushbu tuzatmalarni dunyoviy davlatda diniy mansublik bo‘yicha fuqarolarning kamsitilishi deb topib, ularni konstitutsiyaga zid deb hisoblashmoqda. Shuningdek, Hindistonning shimoli-sharqiy shtatlari ham o‘z noroziliklarini bildirmoqdalar. Ular endi hududlarida Bangladeshdan millionlab qochqinlar qo‘nim topishi mumkinligidan xavotirlanishmoqda. Namoyishlar tashkilotchilarining fikricha, bu mahalliy aholi manfaatlariga xavf soladi.

Avvalroq Nyu-Dehlidagi Guru Ten Bahodur nomidagi gospital rahbari Sunil Kumar poytaxtdagi tartibsizliklarda 10 kishi halok bo‘lgani, 150dan ko‘proq odam jabrlanganini ma’lum qilgan. Shuningdek, Nyu-Dehli politsiyasida kamida 56 politsiyachi yaralangani ma’lum qilingan.

Muxolifatning ta’kidlashicha, qonunga kiritilgan tuzatmalar tahqirlovchi xarakterga ega, chunki musulmonlarni fuqarolik olishdan mahrum qiladi. Tanqidchilarning fikricha, bu vaziyatda diniy mansublik fuqarolik olish sharti bo‘lmasligi kerak.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Hindiston poytaxtida tartibsizliklar sababli komendantlik soati kiritildi