6 040
Koronavirus ko‘lankasi: tobutsozlar tobut yasashga, go‘rkovlar qabr kovlashga ulgurmayotir
Foto: Jilla Dastmalchi
Koronavirus nasroniy olami dafn marosimlarini ham o‘zgartirib yubordi.
Covid-19 infeksiyasidan vafot etganlar oldiga na yaqinlari, na do‘stlari qo‘yilmoqda. Shifokorlarga ko‘ra, virus vafot etgan bemordan boshqalarga yuqmaydi, ammo u marhumning kiyimida bir necha soat yashaydi. Shu bois undan vafot etganlarning jasadi zudlik bilan germetik mato bilan o‘ralmoqda.
Nasroniylik odatiga ko‘ra, vafot etgan inson ko‘rkam liboslarda so‘nggi yo‘lga kuzatiladi. Ko‘pincha mayitning sochi turmaklanib, makiyaj ham qilinadi. Ammo ayni paytda virus xavfi bois mayitlar shifoxona jomasida shoshilinch ravishda dafn etilmoqda. Gohida esa jasadlar krematoriyda yoqilmoqda.
Nasroniylar tobutga oilaviy yodgorlik va suratlarni ham qo‘shib ko‘mishga odatlangan. Ammo epidemiya avj olgan bir paytda tobutga oilaviy yodgorliklarni qo‘yish ham taqiqlandi.
Butun dunyoda vahima uyg‘otgan koronavirus vabosi oilalarni vafot etgan yaqinlarini so‘nggi yo‘lga kuzatish imkonidan ham mahrum etmoqda. Azadorlarga yaqinining tobuti surati yuborilmoqda, xolos.
Foto: AP
Koronavirus o‘chog‘iga aylangan Italiyada ushbu ofatdan kuniga yuzlab odam o‘lim topmoqda. Favqulodda holat sabab Rim hukumati misli ko‘rilmagan taqiq joriy etishga majbur bo‘ldi: mamlakatda dafn marosimi o‘tkazish man etildi.
Dafn bilan shug‘ullanuvchi mas’ullar tobutni mashinada cherkovga keltiradi. Ruhoniy oshig‘ich ravishda dafn duolarini o‘qiydi. Ammo bu jarayon bir necha daqiqa davom etadi, xolos. Avvalo, virusdan vafot etgan shaxsni tezroq qabrga qo‘yish kerak. Qolaversa, mayitlar juda ko‘p, ularning har biriga risoladagidek duo o‘qishga vaqt yo‘q.
Foto: Reuters
Italiyadagi dafn xizmatlari tizimi juda katta bosim ostida ishlamoqda. Mamlakat bo‘yicha virusdan vafot etganlar soni 6800 dan oshdi. Shimoliy muzofotlar shifoxonalaridagi o‘likxonalar to‘lib ketgan. Go‘rkovlar esa qabr kovlashga ulgurmayotir. Ayrim hududlarda tobutlar ko‘payib ketganidan ularni tashish uchun harbiy mashinalar jalb etilgan.
Dafn xizmati xodimlari maxsus himoya liboslarida faoliyat yuritmoqda. Ammo bu ketishda ular himoya vositalari taqchilligi bilan yuzma-yuz kelishi hech gap emas.
S.Salim
Manba: Xabar.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Eron prezidenti jiddiy bayonot berdi: «Isroildan hech narsa qolmaydi»
Amerikalik olimlar barcha uchun birdek foydali jismoniy faollik turini aniqladi
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi