09:49 / 04.04.2020
7 444

Sulton Abdulhamidxonni taxtdan tushirgan fatvoni yozgan ulamo

Sulton Abdulhamidxonni taxtdan tushirgan fatvoni yozgan ulamo
Muhammad Hamdi Yazir (1878-1942)
Usmonli xalifaligining buyuk ulamolaridan. Shayxulislom, yirik din olimi va Qur’on hofizidir. Bir qancha islomiy asarlar va ko‘p jildlik “Haq dini Qur’on tili“ tafsiri muallifi...

Qisqasi, Alloh rahmat qilsin bu islom olimining ilmi va taqvosi haqida qancha maqtalsa arziydi...

Ammo, faqat diniy bilimlarning o‘zi hamma narsani to‘g‘ri qilishlik uchun kifoya qilmas ekan. Qur’on va Sunnatni yaxshi biladi degani fatvoni to‘g‘ri beradi degani emas ekan. Balki, diniy ilmlar bilan birga dunyoviy voqe’likni, siyosiy holatni, tomonlarning asl maqsadlarini, manfaatlarini ham yaxshi bilishlik lozim ekan.

Sulton Abdulhamidxon umr bo‘yi islom dushmanlari bilan kurashib yashadi. Dushmanlarning belini sindirib, islomning qaddini ko‘tarishda u kishining xizmatlari beqiyosdir. Hattoki dushmanlarning o‘zlari Abdulhamidxonning aqli va zakosiga tan berishib, u kishini mag‘lub qilishning ilojini qilolmay qolishganida, ushbu shayxulislom ularning joniga oro kirib

Sulton Abdulhamidxonning taxtdan olinish fatvosini yozib bergandir...

Bu mudhish xato islom dinining cho‘kishi, xalqlarning asl dindan uzoqlashishi, xalifalikning tugashi va Isroil davlatining qurilishiga sabab bo‘lishini u o‘sha vaqtda tushunmagandir. Ammo, keyin bo‘lgan voqealarni ko‘rib, qilgan ishining oqibatlaridan dahshatga tushgan bu odam qolgan butun umrini yig‘lab, tavba qilib o‘tkazadi. Afsuski keyingi pushaymondan foyda yo‘q...

Hozirda ham din ilmlarini chuqur bilgan, ammo voqeliklardagi asl haqiqatlarni ko‘ra olmaydigan, natijada qilayotgan ishlari va berayotgan fatvolari bilan dinni bilib-bilmay kimlarnidir o‘yinlariga keltirib beradigan olimlar kam emas...

Hasan Temirov

Manba: Azon.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Sulton Abdulhamidxonni taxtdan tushirgan fatvoni yozgan ulamo