Rossiyada koronavirus infeksiyasi qachon o‘zining eng yuqori cho‘qqisiga chiqishi ma’lum qilindi

^{Foto: «TASS»}
Rossiya Federal tibbiy-biologik agentligi rahbari, sobiq sog‘liqni saqlash vaziri Veronika Skvorsova mamlakatda COVID-19 koronavirus infeksiyasi 10-14 kundan keyin o‘zining eng yuqori cho‘qqisiga chiqishini ma’lum qildi, deb xabar beradi «Interfaks».

«Matematik va biologlardan iborat guruhning hisob-kitoblariga ko‘ra, testlar sonini oshiradigan bo‘lsak, 10-14 kundan keyin ushbu infeksiya bilan platoga chiqamiz», — deydi Skvorsova.

Sobiq vazirning so‘zlariga ko‘ra, koronavirus tarqalishiga qancha vaqt ketgan bo‘lsa, epidemiyaning yo‘qolishiga yana shuncha vaqt kerak bo‘ladi. «Iyunning birinchi dekadasiga — taxminan iyun o‘rtalariga qadar platoda bo‘lamiz», — deydi u.

Shuningdek, Skvorsova 10 aprel kuni koronavirusni 15-20 daqiqada aniqlovchi chiplar taqdim etilishini ma’lum qildi.
7 aprel holatiga ko‘ra, Rossiyada 7497 kishida koronavirus infeksiyasi aniqlangan, 58 kishi vafot etgan. “Zamin” yangiliklarini “Odnoklassniki”da kuzatib boring