3 017
Rossiyalik shifokorlar amerikalik olimlarning COVID-19 bo‘yicha tadqiqot xulosalariga baho berdi
Foto: «RBK»
Rossiyalik infeksionistlar Eurakalert’da chop etilgan tadqiqotlar xulosasiga baho berdi, deb xabar beradi «RBK»ga tayanib Daryo nashri.
Tadqiqot natijalariga ko‘ra, AQSHdagi Sinsinati univeristeti olimlari COVID-19 bilan kasallangan bemorlarda tumov bo‘lmasligini, lekin ta’m bilish qobiliyati yo‘qolishi mumkinligini ta’kidlagan. Ushbu alomat kasallikning dastlabki bosqichidagi asosiy belgilaridan biri bo‘lishi taxmin qilinmoqda.
«Bu haqda xitoylik, yevropalik olimlar ham yozgandi, biz ham amaliyotda koronavirus infeksiyasini yuqtirib olgan bemorlarda ORV va grippdagi kabi tumov yo‘qligini guvohi bo‘lyapmiz. COVID-19 bilan kasallanganlarning so‘laklarida buzilish kuzatiladi, bu shishni keltirib chiqaradi va oqibatda ta’m sezish qobiliyati zaiflashadi», — deya ta’kidlagan Rossiya xalqlar do‘stligi universiteti infeksionist-vrachi Galina Kojevnikova.
Olimaning aytishicha, ta’m sezish qobiliyati barchada birdek yo‘qolayotgani yo‘q, taxminan 30 foiz bemorlarda kuzatilmoqda.
«Bu yagona va asosiy simptom emas. Istitma ko‘tarilishidan tashqari, kasallikning asosiy belgisi bu — yo‘tal, qiynalib nafas olish va holsizlik. Yo‘tal ko‘p hollarda quruq bo‘ladi, lekin pnevmoniya darajasidagi ayrim vaziyatlarda quruq bo‘lmasligi ham mumkin. Bu ko‘pincha kasallikning keyingi bosqichlarida kuzatilmoqda», — deydi Kojevnikova.
Yuqumli kasalliklar bo‘yicha mutaxassis Ilya Akinfiyevga ko‘ra koronavirus infeksiyasida tumovning umuman bo‘lmasligi asossizdir.
«Aslini olganda koronavirus infeksiyasining asosiy belgisi bu — isitma, tana haroratining ko‘tarilishi. Ikkinchisi — quruq yo‘tal. Pnevmoniyada quruq yo‘talning kuzatilishi odatiy holat. Uchinchi belgi bu — organizmda intoksikatsiya kuzatilishi: bosh og‘rishi, mushaklarda og‘riqlar kuzatilishi», — degan shifokor.
Akinfiyev kasallik turlicha o‘tishi, hatto tumov bilan yoki burunda hech qanday o‘zgarishsiz shaklda ham kuzatilishi mumkinligini qo‘shimcha qilgan. Shifokor buning koronavirus yoki u emasligini faqat tahlillar olinganidan keyingina aniq aytish mumkinligini qayd etgan.
«COVID-19’ning simptomlar kuzatilmaydigan shakli ham uchrayotganini unutmaslik lozim, ya’ni kasallik tashuvchisi bo‘lgan inson o‘zi koronavirus yuqtirganini bilmasligi va uni atrofdagilarga yuqtirishda davom etishi ham mumkin», — degan yuqumli kasalliklar shifokori. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?