Rossiya koronavirusga chalinish holatlari eng ko‘p qayd etilgan mamlakatlar o‘ntaligiga kirdi

^{Foto: Kirill Zikov}
Rossiyada 36 mingdan ortiq kishi kasallik yuqtirgani aniqlangan. Keyinroq ro‘yxatdagi o‘ntalikda Rossiya o‘rniga Belgiya joylashdi.
Rossiya koronavirusga chalinish holatlari eng ko‘p qayd etilgan mamlakatlar ro‘yxatida o‘ninchi o‘rindan joy oldi.

Jons Hopkins universitetining ma’lumotiga ko‘ra, mamlakatda 36 793 nafar bemor qayd etildi. Bir sutka ichida koronavirus yuqtirish bilan bog‘liq 4,8 mingta yangi holat qayd etildi. Rossiyada jami 313 kishi ushbu kasallikdan vafot etdi.

Keyinroq ro‘yxatning o‘ninchi pog‘onasiga Rossiya o‘rniga Belgiya joylashdi. Bu mamlakatda 37 183 nafar kasallik yuqtirganlar qayd etilgan, 5,4 ming kishi vafot etgan.
13 aprel kuni Rossiya bu ro‘yxatning 15-qatorida edi.

Koronavirusga chalinish bilan bog‘liq eng ko‘p holat AQSHda qayd etilgan. Oxirgi ma’lumotlarga ko‘ra, bu yerda 715 mingdan ortiq kishida koronavirus aniqlangan, 37 mingdan ortiq kishi vafot etgan. “Zamin” yangiliklarini “Facebook”da kuzatib boring