Foto: «RIA Novosti»
AQSH prezidenti Donald Trampning koronavirusni davolashda bezgakka qarshi preparatlarning samarali ekanligi to‘g‘risidagi so‘zlaridan so‘ng bezgakka qarshi gidroksixloroxin va xlorin preparatlariga talab 46 baravar oshdi. Bu haqda The New York Times gazetasi xabar bermoqda.
Gazetaning ta’kidlashicha, Trampning bunday preparatlarning samadorligi haqida 19 mart kuni o‘tkazilgan matbuot anjumanida aytgan bo‘lib, ertasi kuniyoq unga bo‘lgan talab 46 baravar oshgan.
Hozirgi vaqtda gidroksixloroxin va xloroxinning foydali ta’sirini isbotlashning imkoni bo‘lmagan. Ammo nashrning xabar berishicha, revmatologlar, kardiologlar, dermatologlar, psixiatrlar va ortopedlar bemorlar bezgakka qarshi preparat olishi uchun 32 mingga yaqin retsept yozib bergan. Aprel oyiga kelib uning shifokorlar tomonidan tavsiya qilinishi kamaygan, biroq undan foydalanish darajasi me’yordan 6 baravar ortiqligicha qolgan.
Donald Tramp bezgakka qarshi gidroksixloroxin va xloroxin preparatlarining koronavirusni davolashda ta’sirini bir necha bor ijobiy baholagan. Mutaxassislar esa COVID-19’ni davolashda rasman tasdiqlanmagan ushbu preparatlar haqida bunday xulosaga kelishga hali erta ekanligini aytib, uning ko‘plab salbiy ta’sirlari borligidan ogohlantirgan.
Mutaxassislarning fikricha, yurak kasalligi bo‘lgan bemorlar, shuningdek, yurak urishiga ta’sir o‘tkazuvchi antidepressantlarni qabul qiladigan odamlarda ushbu preparatlarni qabul qilish o‘lim bilan yakunlanishi ehtimoli bor.
Chorshanba kuni medRxiv tibbiy portali AQSH tibbiyot markazida 368 nafar bemor ishtirokida o‘tkazilgan tadqiqot natijalarini e’lon qilgan bo‘lib, unda koronavirusga chalingan bemorlar orasida gidroksixloroxinni qabul qilganlarda uni qabul qilmaganlarga nisbatan o‘lim darajasi yuqori bo‘lgani aniqlangan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
Nega Tramp Zelenskiyni yomon ko‘radi?
Zelenskiy: Rossiya Ukrainaning issiqlik energetikasini deyarli to‘liq yakson qildi
Dunyodagi eng boy arab shayxining rafiqasi qanday ko‘rinishga ega?
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Tadbirkorlarga qo‘llanadigan moliyaviy jarima kamaytiriladi