Hindistonda shifokorlarga minnatdorlik sifatida vertolyotlardan atirgul yaproqlari sochildi

^{Foto: Indiatoday}
Hindiston harbiy-havo kuchlari vertolyoti koronavirusga qarshi kurashayotgan shifokorlarga minnatdorlik sifatida Dehlida halok bo‘lgan politsiyachilarga o‘rnatilgan yodgorlik ustidan atirgul yaproqlari sochdi.

Bu haqda Hindiston mudofaa vazirligida ma’lum qilindi. Atirgul yaproqlari, shuningdek, Dehlidagi 12 ta shifoxona ustidan sochilgan.
Shuningdek, “koronavirusga qarshi kurashayotgan jangchilar” sharafiga poytaxt uzra uchtadan Lockheed C-130, Su-30 MKI, MiG-29 va Jaguar harbiy samolyotlari uchib o‘tgan.

An Unprecedented Event By Our @IAF_MCC @adgpi #ArmedForces To Shower The Flowers On #CoronaWarriors In Different Cities Of India Is Really Inspirational & Commendable! This Will Definitely Boost Their Confidence.
Thanks @narendramodi
for it ???? pic.twitter.com/2Yd34BezC5

— NEERAJ JAIN (@NeerajJain_09) May 3, 2020

Kechga yaqin bu aksiyaga harbiy-dengiz floti qo‘shiladi – Mumbayda 5 ta kema chiroqlarini yoqib, signal raketalari uchiradi va sirenalarini yoqadi. Kemalarda, shuningdek, “Hindiston koronavirusga qarshi kurashayotgan jangchilaridan minnatdor” degan yozuvli plakatlar yoyiladi.

Shuningdek, aksiyada Hindiston sohilbo‘yi qo‘riqlash bo‘linmalari, 25 ta hududda joylashgan kemalar, vertolyotlar ishtirok etadi.
Hindistonda ayni vaqtda koronavirusga chalinganlar soni 39,9 minggacha yetdi, undan 1,3 ming odam halok bo‘lgan, 10,6 mingdan ko‘proq odam sog‘ayib ketgan. “Zamin” yangiliklarini “Instagram”da kuzatib boring