4 075
Tojikiston chegarasida tojik va qirg‘iz chegarachilari o‘rtasida otishma sodir bo‘ldi (video)
Foto: Asia-Plus
Tojikiston chegara hududida qirg‘iz va tojik harbiylari o‘rtasida nizoli vaziyat sodir bo‘ldi. Asia-Plus nashrining yozishicha, to‘qnashuv oqibatida Tojikistonning ikki nafar fuqarosi yaralangan.
«Mojaroga Qirg‘iziston fuqarolarining 4 gektar yerni o‘zlashtirib olgani sabab bo‘lgan. Ushbu yerlar me’yoriy-huquqiy hujjatlarga ko‘ra Tojikistonga tegishli. Qirg‘iziston chegarachilari vaziyatni tartibga keltirish o‘rniga qurolsiz bo‘lgan tojikistonliklarga, aholi vakillariga o‘q uzgan. Otishma oqibatida 1983 yilda tug‘ilgan Fazliddin Fozilov hamda 1971 yilda tug‘ilgan Ayyomiddin Sharipov og‘ir yaralangan», — deyiladi Tojikiston chegara xizmatining xabarida.
— Shukhrat (@bankir2102) May 9, 2020
O‘z navbatida Qirg‘iziston chegarachilari esa nizoga tojikistonlik harbiylar sababchi ekanini aytmoqda. Shuningdek, qarama-qarshi tomonning ma’lum qilishicha, mojaro qirg‘iz-tojik chegarasida Chek Batken viloyati hududida Chekdagi 50 sotix yerdan foydalanishdagi nizo oqibatida boshlangan, 30-40 nafardan ikki tomondagi fuqarolar bir-birlariga toshlar ota boshlagan. Janjal vaqtida ov o‘qotar qurolidan o‘t ochilgan.
Qirg‘iziston chegarachilari o‘q uzilgani, biroq u havoga otilgani va ogohlantirish maqsadida quroldan foydalanilganini bildirgan.
«Ammo Tojikiston chegarachilari kutilmaganda Qirg‘iziston chegarachilari va fuqarolari tomonga o‘t ochgan», — deya vaziyatni izohlagan qirg‘iz chegarachilari.
— Shukhrat (@bankir2102) May 9, 2020
Qirg‘iziston tomonida ham uch nafar harbiyning yaralangani ma’lum qilingan. Ikki davlatning chegara idoralari va rasmiy vakillari o‘rtasida vaziyatni barqarorlashtirish yuzasidan muzokaralar olib borilmoqda.
Qirg‘iziston va Tojikiston chegarasida bu kabi mojarolar o‘tgan yilning yozidan beri tez-tez takrorlanib turadi. 2019 yilning iyun oyida tojik-qirg‘iz chegarasida kelishmovchilik yuz berib, qirg‘izistonliklar 45 kilometrli avtoyo‘lni ta’mirlash ishlariga qarshi chiqqan. Sentabr oyida esa Qirg‘iziston—Tojikiston chegarasida yuz bergan otishmada qirg‘iz harbiy xizmatchisi halok bo‘lgan.
2020 yilning o‘zida bu safargi janjal chegarada ikki millat vakillari o‘rtasidagi to‘qnashuvga olib kelgan ikkinchi vaziyatdir, avval 9 yanvarda ham avvaliga fuqarolar o‘rtasida boshlangan janjalga keyinchalik huquq-tartibot organlari xodimlari va chegarachilar ham qo‘shilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Ramzan Qodirovning 19 yoshli qizi medal bilan taqdirlandi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Germaniyaning Knauf kompaniyasi Rossiyadan butunlay chiqib ketishini tasdiqladi
Akademik Qodir G‘ulomov Qo‘shrabotda bo‘ldi
Futzal. Osiyo Kubogi. Tojikiston Yaponiyani guruhda qoldirdi
Zohida Umarova nima sababdan o‘g‘li va kelini bilan birga yashamasligini aytdi
O‘zbekistonda o‘tgan uch oyda qancha avtomobil ishlab chiqarilgan?
