Foto: ucsf / Facebook
San-Fransiskodagi Kaliforniya universiteti va Germaniyadagi Frayburg universiteti olimlari koronavirusdan zararlangan hujayralarda virusga organizmda tezroq tarqalishga imkon beruvchi uzun “paypaslagichlar” paydo bo‘lishi haqidagi xulosaga kelishdi.
Olimlar bu “paypaslagichlar”ni o‘ta kuchli mikroskop yordamida olingan suratlarda aniqlashgan.
“Boshqa hujayralarda teshik ochib, hosil bo‘lgan tunnel orqali hujayradan hujayraga o‘tuvchi uzun tolalar mavjud. Bizning taxmin shundan iboratki, bu holat infeksiya tarqalishini tezlashtiradi”, deb aytgan tadqiqot rahbari professor Nevan Krogan. U aniqlangan tolalarni “mudhish paypaslagichlar” deb atagan.
Coronavirus produces ‘sinister’ tentacles in infected cells https://t.co/tWxKmH2t5t
— Financial Times (@FT) June 26, 2020
Tadqiqot mualliflarining aniqlashicha, zararlangan hujayralar sog‘lom qo‘shni hujayralarni zararlash uchun o‘zlarining oqim tolalari yoki filopodiylaridan foydalanadi. SARS-CoV-2’ning bunday yo‘l bilan zararlay olishi uni OIV-infeksiyalari yoki chechak kabi kasalliklarni keltirib chiqaruvchi viruslardan farqlaydi.
Olimlar olingan natija asosida koronavirusga qarshi kurashish uchun saratonni davolashda qo‘llanuvchi dorilarni qo‘llash mumkinligi haqidagi xulosaga kelishgan. Ular bu maqsadda koronavirus yuqtirilgan Afrikaning yashil martishkalari buyraklari hujayralarida tajriba o‘tkazishgan, so‘ngra dorilarni inson o‘pkasida sinashgan.
Bunday vositalardan biri Tayvanda ishlab chiqariluvchi silmitasertib dori vositasi hisoblanadi. Shuningdek, olimlar koronavirusga qarshi kurashda qo‘llash mumkin bo‘lgan shunday dorilar qatoriga 7 ta dorini, jumladan Astellas Pharma yapon kompaniyasining oq qonni davolashda qo‘llanuvchi gilteritinib dorisini kiritishgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Sirdaryoda budjetga juda ko‘p miqdorda zarar yetkazgan mayning ferma aniqlandi