Ukrainaning Lutsk shahrida salonida yo‘lovchilari bo‘lgan avtobusni garovga olgan Maksim Krivosh qo‘lga olindi. Garovga olingan barcha yo‘lovchilar qutqarildi. Bu haqda «Korrespondent.net» xabar berdi.
Ma’lum qilinishicha, erkak «BTR» tanki yordamida amalga oshirilgan shturmda qo‘lga olingan. Garovga olinganlar avtobusni tark etishga ulgurgan.
Qurollangan erkak garovdagilarni 21 iyul kuni ertalab soat 10:00 dan buyon ushlab turgan. Kechga yaqin u garovdagilarga suv berilishiga rozilik bergan va uch kishini — keksa ayol, uning nevarasi va homilador ayolni qo‘yib yuborgan.
Shu bilan birga, Ukraina prezidenti Vladimir Zelenskiy terrorchining talabini bajardi hamda videomurojaat yozib, uni Facebook’da e’lon qildi. Olti soniyalik rolikda prezident 2005 yilda taqdim etilgan «Yerliklar» filmini tomosha qilishga chaqirgan.
Maksim Krivosh qo‘lga olingach, Vladimir Zelenskiy o‘z videomurojaatini o‘chirib tashlagan.
Mazkur kino hujjatli film bo‘lib, unda hayvonlardan ko‘ngilxushlik, ilmiy tadqiqotlar, kiyimlar ishlab chiqarish uchun, shuningdek, oziq-ovqat sifatida foydalanish muammosi ko‘tarilgan.
Avvalroq Ukraina g‘arbidagi Lutsk shahrida noma’lum erkak avtobusni yo‘lovchilari bilan garovga olgani haqida xabar berilgandi. U 1975 yilda tug‘ilgan orenburglik Maksim Krivosh bo‘lib chiqqan. Avtobusda, taxminan, 20 kishi bo‘lgani xabar qilingan. Terrorchi o‘z harakatlariga sabab sifatida u rasmiylar bilan kelisha olmaganini aytgan. U sudlar, vazirliklar, prokuratura, parlament, cherkovlar vakillari, shuningdek, Ukraina oligarxlaridan YouTube’ga o‘zlarining «qonundagi terrorchilar» ekanligi haqida roliklar joylashini talab qilgan.
— Shukhrat (@bankir2102) July 22, 2020“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi