18:30 / 26.07.2020
1 967

Somalida gumanitar yuklarni olib kelgan samolyot qo‘rqib ketgan eshaklar sabab falokatga uchradi

Somalida gumanitar yuklarni olib kelgan samolyot qo‘rqib ketgan eshaklar sabab falokatga uchradi
Foto: Local Media
Somaliga gumanitar yuklarni olib kelgan Keniya samolyoti uchish-qo‘nish yo‘lagiga yugurib chiqqan eshaklar sabab falokatga uchradi, deb xabar beradi Daily Nation.

Somali Fuqarolik aviatsiyasi boshqarmasining dastlabki ma’lumotlariga ko‘ra, samolyot qo‘nish yo‘lagi yaqinida o‘tlab yurgan bir necha eshakni qo‘rqitib yuborgan. Qo‘rqqan hayvonlar esa oldinga, havo kemasi harakatining trayektoriyasi bo‘ylab chopgan. Shundan so‘ng, samolyot yo‘nalishni o‘zgartirishga majbur bo‘lgan va natijada qum uyumlariga borib urilgan.

Ta’kidlanishicha, Keniyaning Blue Bird Aviation aviakompaniyasiga tegishli samolyotni BMT Somali markaziy qismidagi shaharga oziq-ovqat va boshqa gumanitar yordamlarni yetkazib berish uchun yollagan. Avariya oqibatida samolyot bortida bo‘lgan uch kishining hech biriga (ikki uchuvchi va bir nafar yo‘lovchi) shikast yetmagan.

Keniyaning Somalidagi elchisi Lukas Tumboning ma’lum qilishicha, samolyot qoldiqlaridan «qora quti»ni chiqarib olishga muvaffaq bo‘lingan.
«Quti va boshqa yozib oluvchi qurilmalar tergov doirasida ma’lumotlarni qayta ishlash uchun Nayrobiga yuboriladi», — deydi elchi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)