Foto: «UPI»
Amerikaning Nebraska shtatida opa-singil yarim asrlik ayriliqdan so‘ng koronavirus tufayli uchrashishdi, deya xabar berdi «UPI».
Ma’lumotlarga ko‘ra, may oyida tobi qochgan 73 yoshli Doris Krippen oddiy gripp bo‘ldim, deb o‘ylagan, biroq organizmi shu darajada zaiflashib ketganidan, yiqilib tushgan va qo‘li singan. Tibbiyot xodimlari Krippenning koronavirusga chalinganini aniqlashgan. Davolanish uchun ayol qariyb 30 kun shifoxonada yotishiga to‘g‘ri kelgan.
Shundan so‘ng Fremont shahridagi reabilitatsiya markaziga murojaat qilgan. Buni qarangki, u yerda 20 yildan beri singlisi, 53 yoshli Bev Boro ishlar ekan. Bu keyinchalik ma’lum bo‘lgan. Boro bemorlar ro‘yxatida Krippen ismini ko‘rgan zahoti bu uning opasi ekanligini darrov fahmlagan.
«Bunga ishonolmadim. «Ey Xudoyim, bu mening opam bo‘lsa kerak», deb o‘yladim», — deya Boroning so‘zlarini keltirgan nashr.
Krippenning quloqlari yaxshi eshitmay qolgani uchun Boro otasining ismini taxtaga yozib ko‘rsatdi. Krippen ham uning qizi ekanligini tasdiqladi.
«Meni bu yerga (reabilitatsiya markazi) yuborishgani Xudoning ko‘rsatgan marhamati. Chunki bu yerga yuborishmaganida singlimni topmagan bo‘lardim», — deydi Krippen. U uzoq yillar singlisini izlagan, lekin natija chiqmagan.
Qariyb yarim asr ko‘rishmagan opa-singilning otasi bir, faqat onalari boshqa. Krippen onasining qo‘lida tarbiya topgan, Boroni esa olti oyligida farzandlikka olishgan. Ta’kidlanishicha, Boroning boshqa aka-ukalari va opa-singillari ham bor. Ularning ko‘pchiligini topishga muvaffaq bo‘lgan. Endi ular yig‘iladigan bo‘lishdi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Tadbirkorlarga qo‘llanadigan moliyaviy jarima kamaytiriladi
Nega Tramp Zelenskiyni yomon ko‘radi?
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Sirdaryoda budjetga juda ko‘p miqdorda zarar yetkazgan mayning ferma aniqlandi