5 360
Bayrutlik kelinchak fotosessiya paytida yuz bergan portlash haqida so‘zlab berdi (video)
Foto: Esquire
AQSHda yashovchi Israa Seblani turmushga chiqish uchun Livanga kelgan edi. Biroq to‘y kuni fotosessiya o‘tkazilayotgan paytda dahshatli portlash yuz berdi. Esquire Israa Seblanining hikoyasini e’lon qildi.
«Biz osmonda qandaydir kuchli tutunni ko‘rdik. Avvaliga biron narsa yonayotgan bo‘lsa kerak, deb o‘yladik. Bu portlash bo‘lishi mumkinligi xayolimizga ham kelgani yo‘q. Bir necha soniya ham o‘tmasdan kuchli to‘lqin zarbidan keyin portlashni eshitdik. Biz turgan chiroyli joy bir zumda ko‘lanka shaharga aylandi. Atrof chang, oynalar singan, odamlar qichqirar, qon – hamma narsa tushga o‘xshardi», – deya eslaydi Seblani.
Uning eri portlash tovushi hayotida eshitgan eng dahshatli ovoz ekanligini aytadi. To‘lqin zarbi uni 3 metr nariga uloqtiradi. Keyin u rafiqasining yoniga yugurib kelib, uni xavfsiz deb o‘ylagan restoranga olib boradi.
«Portlashni eshitgan payt butun hayotim ko‘z oldimdan o‘tdi. Men soniyalar ichida hayotim, turmush o‘rtog‘im, to‘ydan keyingi orzularimiz – hamma narsamni yo‘qotyapman, deb o‘yladim», – deydi Isra.
Fotograf Mahmud Nakib to‘y haqida CNN kanaliga bergan intervyusida dastlabki portlash fotosessiya paytida sodir bo‘lganini, ammo u hech kimni qo‘rqitmagani va suratga olish davom etganini aytadi.
«Bir soniya ichida osmonni qora rang qopladi va biz ikkinchi portlashni eshitdik», – deydi Nakib.
Kuchli to‘lqin zarbi uni yiqitib yuboradi, ammo kamera aylanishda davom etadi. Bir necha soniya nima bo‘lganini aniqlay olmaydi.
Bayrutdagi fojia portda 4 avgust kuni 2,7 ming tonnadan ortiq ammiak selitrasi portlagan paytda yuz bergan. Buning natijasida 137 kishi vafot etgan. Besh mingdan ko‘prog‘i tan jarohati olib, yana o‘nlab odamlar bedarak yo‘qolgan. Portlash tufayli yuzlab mahalliy aholi boshpanasiz qolgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Germaniyada maktab o‘quvchilari ommaviy ravishda islom dinini qabul qilmoqda
O‘zbekistonda o‘tgan uch oyda qancha avtomobil ishlab chiqarilgan?
Amerikalik olimlar barcha uchun birdek foydali jismoniy faollik turini aniqladi
Germaniyaning Knauf kompaniyasi Rossiyadan butunlay chiqib ketishini tasdiqladi
Eron prezidenti jiddiy bayonot berdi: «Isroildan hech narsa qolmaydi»
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi