19:46 / 07.08.2020
1 941

Lukashenko COVID-19 pandemiyasini siyosiy va iqtisodiy o‘yin deb atadi

Lukashenko COVID-19 pandemiyasini siyosiy va iqtisodiy o‘yin deb atadi
Foto: president.gov.by
Lukashenkoning so‘zlariga ko‘ra, barcha mamlakatlar koronavirus infeksiyasidan «ko‘tarilish, yuqorida bo‘lish va iloji bo‘lsa boshqalarni tushirib yuborish» uchun foydalanmoqda.

COVID-19 nafaqat kasallik, balki siyosiy va iqtisodiy urush hamdir. Bu haqda Belarus prezidenti Aleksandr Lukashenko sog‘liqni saqlash tizimi xodimlariga davlat mukofotlarini topshirish marosimida aytdi.

«Bu siyosiy va bugun ko‘rib turganimizdek, iqtisodiy qarama-qarshilik ham emas, balki urushdir», — deya undan iqtibos keltirdi Lukashenkoning matbuot xizmati.

Lukashenkoning so‘zlariga ko‘ra, barcha mamlakatlar koronavirus infeksiyasidan «ko‘tarilish, yuqorida bo‘lish va iloji bo‘lsa boshqalarni tushirib yuborish» uchun foydalanmoqda.

Belarus prezidenti avval ham kasallik xavfi bo‘rttirib ko‘rsatilayotganini aytgan va mamlakatda karantin choralari joriy etishga qarshi chiqqandi.
Lukashenko iyul oxirida o‘zi ham koronavirus yuqtirib, tuzalganini aytgandi. Keyinroq esa unga koronavirusni ataylab yuqtirishganini taxmin qildi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)