07:00 / 15.09.2020
1 936

Qarmoqda baliq tutish bo‘yicha rekord yangilandi (video)

Qarmoqda baliq tutish bo‘yicha rekord yangilandi (video)
Foto: «Outdoorsfirst.com»
Amerikaning Illinoys shtatidan professional baliqchi Jeff Kolodzinskiy 24 soatda 2645 ta baliqni tutib, shaxsiy jahon rekordini yangiladi. Bu haqda UPI portali xabar berdi.

Jeff baliq ovini 9 sentabr kuni mahalliy vaqt bilan ertalab soat 9 da boshlab, roppa-rosa bir kecha-kunduzdan so‘ng nihoyasiga yetkazdi. U 24 soat ichida qarmoq yordamida 2645 ta baliqni tutib, o‘zining o‘tgan yilgi rekordini yangiladi. O‘shanda bir kecha-kunduzda 2172 ta baliq tutib, Ginnessning rekordlar kitobiga kiritilgandi.

Bu safar baliqchi Ginnessning rekordlar kitobi vakillariga dalil sifatida yuborib, rasman ularning e’tirofiga sazovor bo‘lish uchun baliq ovini kameraga muhrladi. U baliq ovi yordamida «Fishing For Life» (Hayot uchun baliq ovi) xayriya jamg‘armasi uchun 20 ming dollar to‘plashni rejalashtirgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)