Zuhro sayyorasi – Venera atmosferasining yuqori qatlamlarida fosfin gazi izlari topildi. Ushbu gaz ba’zi tirik organizmlar tomonidan ishlab chiqariladi. Bu haqda nature astronomy xabar berdi.
Zuhro atmosferasida fosfin borligi Kardiff universiteti (Britaniya) va Massachusets texnologik universiteti (AQSH) olimlari tomonidan Gavayidagi Jeyms Klark Maksvell teleskopi va Chilidagi Atakam radioteleskoplar tizimi yordamida kashf qilindi.
NASA agentligi direktori Jim Braydenstayn ushbu hodisaga izoh berib, Zuhroga ko‘proq e’tibor qaratish vaqti kelganini aytgan.
“Anaerob biologiya ikkilamchi mahsuloti bo‘lgan fosfinning topilishi Yerdan tashqarida hayot borligi isbotlarini topishdagi eng muhim hodisa hisoblanadi”, deb yozgan Braydenstayn tvitterda.
Fosfin rangsiz, o‘ta zaharli gaz bo‘lib, Yerda uni anaerob, ya’ni kislorod mavjudligini talab etmaydigan mikroorganizmlar ishlab chiqaradi. 2019 yilda ekzosayyoralar atmosferasida fosfinni izlashni ularda hayot borligini anglatuvchi belgi etib belgilash taklif qilingan.
Zuhro Quyoshdan keyingi ikkinchi sayyora bo‘lib, U Yerning eng yaqin qo‘shnisi hisoblanadi. Ushbu sayyora boshqa sayyoralardan farqli, Quyosh atrofida orqa yo‘nalishda aylanadi. Bu esa sayyorada Quyosh sharqdan emas, g‘arbdan chiqishini va sharqqa botishini anglatadi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskvadagi terakt bo‘yicha yana uch kishi ushlandi
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Suvni tik turgan holda ichish mumkin emasligi ilmiy jihatdan isbotlandi
Rossiya qo‘shinlari Avdeyevkadagi ikkita qishloqni egallab oldi
Qahva va saraton: olimlardan zo‘r yangilik!
Emmanuel Makron: “Ukraina tez orada qulashi mumkin”
Rossiyaning harbiy operatsiyadagi manyovri Ukrainani hayratga soldi