21:30 / 03.10.2020
960

Yevropa Ittifoqida remdesivirning buyrakka nojo‘ya ta’siri o‘rganilmoqda

Yevropa Ittifoqida remdesivirning buyrakka nojo‘ya ta’siri o‘rganilmoqda
Foto: Reuters
Yevropa dori vositalari agentligi (EMA) Yevroittifoqda koronavirus bemorlarini davolashda qo‘llanilayotgan remdesivir dorisining buyrakka salbiy ta’sirini o‘rganmoqda.

Agentlikning bildirishicha, remdesivir qabul qilayotgan ayrim bemorlarda o‘tkir buyrak kasalliklari rivojlanganligi to‘g‘risida xabarlar kelib tushgan. Bu dorining yoki koronavirusning ta’siri bo‘lganligi hozircha noma’lum, deb ta’kidlagan EMA.

Oq uy shifokorining bildirishicha, AQSH prezidenti Donald Trampda koronavirus aniqlanganidan so‘ng mana shu dorini qabul qilishni boshlagan.

Remdesivir preparati Kaliforniyaning Gilead Sciences biofarmatsevtika kompaniyasi tomonidan Ebola bezgagiga qarshi kurashish uchun ishlab chiqarilgan. 2020 yil aprelda kanadalik olimlar ushbu dori koronavirusning avj olishiga to‘sqinlik qilishini aniqlagandi.

AQSH hukumati may oyida COVID-19 bemorlarini davolashda remdesivirdan foydalanishga ruxsat bergandi.

Iyul oyi boshlarida EMA xulosasiga asosan Yevrokomissiya ham koronavirus yuqtirgan bemorlarni davolash uchun remdesivirni YEI mamlakatlarida sotishga ruxsat bergan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)