Foto: Getty Images
Armaniston Milliy xavfsizlik xizmati kontrrazvedka departamenti boshlig‘i Ovanes Karumyan va chegara qo‘shinlari shtabi boshlig‘i Gagik Tevosyan iste’foga chiqarildi. Bundan tashqari, tan olinmagan Tog‘li Qorabog‘ respublikasi mudofaa vaziri Jalal Arutyunyan Ozarboyjon bilan janglarda yarador bo‘lgani sababli almashtirildi.
Karumyan va Tevosyanning bo‘shatilishi sabablari ma’lum qilinmagan. Biroq bundan oldinroq Milliy xavfsizlik xizmati rahbari Armen Ayvazyan sobiq yuqori lavozimdagi harbiy josuslikka yollangani holati aniqlanganini ma’lum qilgan. Sobiq amaldor harbiy qismlardan axborot olib, uni Ozarboyjonga bergan. Shuningdek, xorijliklarga safarbarlik va harbiy texnika haqida axborot berilgan. Avvalroq, oktabr boshida Armanistonda josuslikda gumon qilingan bir necha xorijlik qo‘lga olingani ma’lum qilingan.
Tog‘li Qorabog‘ prezidenti Araik Arutyunyanning ma’lum qilishicha, respublika mudofaa vaziri janglarda yarador bo‘lgani sababli almashtirildi. Uning aytishicha, bu o‘zgartirish “muhokamalarga sabab bo‘lmasligi kerak”. “Jalal Anatolevichga tezroq sog‘ayib ketishni tilayman va u tez orada vatan xizmatiga yana qaytishiga ishonaman”, deb yozgan Arutyunyan Facebook’da. Jalal Arutyunyan o‘rniga general-mayor Mikayel Arzumanyan tayinlangan.
Tog‘li Qorabog‘da bir oydan beri Armaniston va Ozarboyjon qurolli kuchlari o‘rtasida janglar davom etmoqda. Tomonlar yarashuv haqida uch marta kelishgan, biroq o‘q otishni to‘xtatishga barcha urinishlar barbod bo‘lgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda o‘tgan uch oyda qancha avtomobil ishlab chiqarilgan?
Vladimir Putin «Krokus»da sodir etilgan terakt uchun o‘ch olishga chaqirdi
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda
Toshkentda 02 kodli avtoraqamlar taxminan qachon paydo bo‘lishi aytildi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi