Germaniyada gazon o‘radigan robot o‘z egasiga xabar jo‘natib, o‘g‘rining qo‘lidan qutulib qoldi

^{Foto: Hi-Tech.Mail.ru}
Germaniyaning Lippshtadt shahrida gazon o‘ruvchi robot «ag‘darilib tushgani» to‘g‘risida egasiga xabar jo‘natib, o‘zining o‘g‘irlab ketilishiga to‘sqinlik qildi. Bu haqda mahalliy politsiyaga tayanib, Hi-Tech.Mail.ru xabar berdi.

Ma’lumotlarga ko‘ra, ko‘ngilsiz hodisa mahalliy vaqt bilan soat 18:30 larda sodir bo‘lgan. O‘g‘rilikda gumonlanayotgan erkak robotni qo‘ltig‘i ostida qisib olganida, u mobil dastur orqali o‘z egasiga ag‘darilgan holda ekanligi to‘g‘risida xabar jo‘natgan.

«Shu sababli uning egasi bog‘iga kelib, uni to‘g‘rilab qo‘ymoqchi bo‘lgan va og‘riga duch kelgan», — deyiladi politsiya xabarida.

Jinoyatchi robot qurilmani tashlab, voqea joyidan qochib ketgan. Apparat egasi sodir bo‘lgan voqea haqida politsiyaga xabar bergan, ammo hozircha o‘g‘ri qo‘lga olingani yo‘q. “Zamin” yangiliklarini “Youtube”da kuzatib boring